Keflavíkurflugvöllur (KEF) er einn stærsti og líflegasti vinnustaður landsins. Hér mætast fólk, ferðalög og ótal verkefni alla daga ársins. Landsmenn stíga hér sín fyrstu skref í átt að nýjum ævintýrum og erlendir gestir hefja Íslandsdvöl sína eða halda áfram út í heim. KEF er fjölbreytt samfélag þar sem ólík störf og sérþekking koma saman. Sameiginlegt markmið okkar er að skapa góða upplifun og tryggja örugga og skilvirka þjónustu fyrir farþega, flugfélög og aðra sem eiga leið um flugvöllinn. Isavia sér um rekstur og þróun Keflavíkurflugvallar.