Vilt þú starfa í Skjáveri Velferðarsvið Reykjavíkurborgar?
Við leitum að metnaðarfullum og áhugasömum einstaklingi í Skjáver Velferðarsviðs sem tilheyrir Rafrænni Miðstöð. Starfið felst m.a. í veitingu skjáheimsókna til notenda heimastuðnings og vöktun sjálfvirkra lyfjaskammtara. Í starfinu gefst tækifæri til að kynnast fjölbreyttri starfsemi miðstöðvarinnar og velferðarsviðs í heild sinni.
Um er að ræða 40-60% hlutastarf í vaktavinnu þar sem unnið er aðra hverja helgi og dagvinnu á virkum dögum.
Skjáver Velferðarsviðs tilheyrir Rafrænni miðstöð sem veitir rafræna velferðarþjónustu til íbúa borgarinnar og vinnur að umbótum og þróun innan velferðarsviðs. Í skjáverinu fer fram veiting fjarþjónustu til íbúa sem eru með heimaþjónustu. Starfsandi innan Rafrænnar miðstöðvar einkennist af jákvæðni, metnaði og sveigjanleika.
- Veiting þjónustu í gegnum skjá til notenda heimastuðnings
- Vöktun sjálfvirkra lyfjaskammtara
- Tæknileg aðstoð í heimahúsi
- 20 ára eða eldri
- Farsæl reynsla af þjónustustarfi
- Framúrskarandi samskiptafærni, jákvæðni og þjónustulund
- Framtakssemi, sjálfstæði, skipulagshæfni og metnaður í starfi
- Góð almenn tæknikunnátta
- Áhugi á velferðarþjónustu
- Reynsla af störfum í félagsþjónustu er kostur
- Hreint sakarvottorð í samræmi við lög sem og reglur Reykjavíkurborgar
- Góð íslenskukunnátta (B1 samkvæmt evrópska tungumálarammanum
Í samræmi við mannréttindastefnu og velferðarstefnu Reykjavíkurborgar er lögð áhersla á að starfsstaðir velferðarsviðs endurspegli fjölbreytileika samfélagsins. Við hvetjum því fólk af öllum kynjum, fatlað fólk og fólk með fjölbreyttan menningarlegan bakgrunn til að sækja um starfið.