Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

About

Sálfræðingur í deild barna og fjölskyldna í Vesturmiðstöð

Vesturmiðstöð auglýsir lausa stöðu sálfræðings í deild barna og fjölskyldna (leikskólaþjónustu). Um er að ræða tímabundna ráðningu í 100% starf. Leitað er eftir metnaðarfullum og drífandi einstaklingi með einlægan áhuga á þjónustu við börn og barnafjölskyldur. Sálfræðingur mun aðallega sinna sálfræðilegri ráðgjöf og greiningum vegna barna og barnafjölskyldna, námskeiðahaldi, þverfaglegu samstarfi innan Vesturmiðstöðvar og við samstarfsaðila.

Æskilegt er að viðkomandi geti hafið störf sem fyrst.

Vesturmiðstöð er framsækinn vinnustaður sem býður upp á spennandi tækifæri til að taka þátt í uppbyggingu á þjónustu í hverfi borgarinnar og þverfaglegu samstarfi í hverfi og milli hverfa. Í boði er vinna með metnaðarfullum hópi annarra fagmanna, sálfræðinga, félagsráðgjafa, leikskólaráðgjafa, sérkennsluráðgjafa, hegðunarráðgjafa, talmeinafræðinga o.fl., að málefnum leikskólabarna, leikskóla og fjölskyldna sem og þátttaka í sameiginlegu verkefni velferðarsviðs og skóla- og frístundasviðs, Betri borg fyrir börn. Markmið verkefnisins er að efla þjónustu við börn, ungmenni og fjölskyldur þeirra og þétta samstarf skóla- og frístundasviðs og velferðarsviðs.

Helstu verkefni og ábyrgð

Ráðgjöf til foreldra og starfsfólks leikskóla.
Sálfræðilegar athuganir og greiningar á leikskólabörnum.
Námskeiðahald fyrir foreldra, börn og starfsmenn skóla.
Þverfaglegt starf á þjónustumiðstöð og við samstarfsstofnanir.

Menntunar- og hæfniskröfur

Löggilding til að starfa sem sálfræðingur.
Þekking á þroska og þroskafrávikum barna.
Reynsla af sálfræðilegri greiningu og ráðgjöf vegna leikskólabarna er æskileg.
Áhugi á þróun sálfræðiþjónustu og þverfaglegs samstarfs.
Þekking á eða PMTO menntun er kostur.
Skipulagshæfileikar, sjálfstæði í vinnubrögðum, frumkvæði og framúrskarandi hæfni í mannlegum samskiptum.
Jákvætt hugarfar, lausnamiðað viðhorf og vilji til að taka þátt í þróunarstarfi.
Íslenskukunnátta á stigi C1 samkvæmt evrópska tungumálarammanum.
Hreint sakavottorð í samræmi við lög, sem og reglur Reykjavíkurborgar.

Fríðindi í starfi