Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík frá árinu 1969 og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

About

Verkfræðingur eða tæknifræðingur í rekstri raforkukerfa

Viltu taka þátt í rekstri og þróun eins stærsta raforkukerfis landsins?

Við hjá Rio Tinto á Íslandi leitum að verkfræðingi eða tæknifræðingi með áhuga á raforkukerfum til að taka þátt í rekstri og umbótum á háspennu- og afriðlabúnaði álversins í Straumsvík.

Við bjóðum áhugaverð og krefjandi verkefni í öflugu starfsumhverfi, tækifæri til að hafa áhrif á þróun raforkukerfa og innviða, samstarf við sérfræðinga og tæknifólk í fremstu röð, sveigjanlegan vinnutíma og góðan starfsanda, aðgang að alþjóðlegu þekkingarneti Rio Tinto.

Helstu verkefni og ábyrgð

Rekstur háspennu rafbúnaðar í aðveitu- og dreifistöðvum.
Þróun og viðhald straumstýringa og hugbúnaðar fyrir afriðladeildir.
Þátttaka í undirbúningi og framkvæmd fjárfestingarverkefna.
Greining rekstrartruflana og þátttaka í umbótaverkefnum.
Samstarf við hagaðila til að tryggja öruggan og hagkvæman rekstur.
Eftirfylgni og umbætur á öryggisreglum, stöðlum og verklagsreglum.

Menntunar- og hæfniskröfur

Háskólamenntun í rafmagnsverkfræði, rafmagnstæknifræði eða skyldu fagi.
Reynsla af rekstri og viðhaldi háspennubúnaðar og SCADA kerfum.
Þekking á iðntölvuforritun er kostur.
Rík öryggisvitund og ögun og sjálfstæði í vinnubrögðum.
Góð samskiptahæfni og geta til að vinna í teymi.
Góð íslensku- og enskukunnátta í töluðu og rituðu máli.
Iðnmenntun á sviði rafmagns er kostur.

Fríðindi í starfi

Frítt fæði í mötuneyti.
Heilsustyrkur.
Fæðingarorlofsstyrkur allt að 18 vikur á óskertum launum.
Velferðartorg.
Þátttaka í hlutabréfakaupum.
Öflugt þjálfunar- og fræðslustarf.

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.
Forsenda allra ráðninga hjá ISAL er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um störf hjá ISAL.

Umsóknarfrestur er til og með 25. september nk.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Nánari upplýsingar um starfið veitir Víðir Már Atlason, leiðtogi rafveitu hjá Rio Tinto á Íslandi. ([email protected])

Advertisement published15. September 2025

Application deadline25. September 2025

Language skills