Verkefnisstjóri í tölvuöryggi við upplýsingatæknisvið HÍ

Hefur þú áhuga á tölvuöryggi og vilt takast á við krefjandi verkefni?

Laust er til umsóknar fullt starf verkefnisstjóra í tölvuöryggi við upplýsingatæknisvið Háskóla Íslands. Upplýsingatæknisvið rekur mörg kerfi og eitt stærsta tölvunet landsins. Starfið býður því upp á áskoranir og tækifæri til að hafa áhrif á öryggi mikilvægra innviða. Leitað er að einstaklingi með þekkingu í tölvuöryggismálum sem vill þroskast og þróast í starfi undir leiðsögn reyndra sérfræðinga.

Helstu verkefni og ábyrgð

• Greining og mat á öryggisógnunum og veikleikum í kerfum og netum

• Hönnun og innleiðing öryggislausna og verklagsreglna

• Eftirlit með öryggisatvikum og svörun við öryggisbrotum

• Fræðsla og þjálfun starfsfólks í bestu öryggisvenjum

• Samvinna við kerfisstjóra og forritara um innleiðingu öryggislausna í mismunandi kerfum

Hæfniskröfur

• Þekking og reynsla í tölvunarfræði, upplýsingatækni eða tengdu sviði

• Reynsla af rekstri netþjóna (t.d. Windows Server, Linux eða Unix)

• Þekking á gagnageymslulausnum (SAN, NAS) og netkerfum (t.d. Cisco, Fortinet, HP)

• Þekking á netöryggi, eldveggjum og aðgangsstýringum

• Þekking á hugmyndafræði DevOps er kostur

• Reynsla af SIEM, IDS/IPS og öryggisprófunum er kostur

• Kunnátta í skriftum (t.d. PowerShell, Bash, Python) er kostur

• Þjónustulund og hæfni í samskiptum

• Góð íslensku- og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst, eða eftir nánara samkomulagi.

Eftirfarandi gögn skulu fylgja umsókn:

• Ferilskrá

• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess

• Staðfest afrit af prófskírteinum

• Upplýsingar um umsagnaraðila

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Umsóknarfrestur er til og með 14.04.2025

Nánari upplýsingar veitir Guðmundur H Kjærnested, [email protected]