Verkefnastjóri

Við leitum að drífandi og öflugum einstaklingi með brennandi áhuga og þekkingu á verkefnastjórnun.

Sem verkefnastjóri hjá Ljósleiðarans stýrir þú verkefnum frá undirbúningi, í gegnum framkvæmd og þar til afurð hefur verið afhent til reksturs. Í því felst m.a. gerð kostnaðaráætlana og verksamninga, samskipti við hagsmunaaðila og umsjá leyfismála.

Þetta er spennandi tækifæri fyrir umbótasinnaða manneskju sem býr yfir drifkrafti og góðri samskiptafærni.

Helstu verkefni

• Umsjón með verkefnastofnum og verkefnum.
• Skipulagning og stýring á tímaáætlunum, fjárhagsáætlunum og markmiðum verkefna.
• Eftirfylgni með framvindu verkefna og skráningu árangurs í samræmi við skilgreinda mælikvarða.
• Samræming verkefna á milli deilda ásamt stuðningi og upplýsingamiðlun gagnvart hagsmunaaðilum í verkefnum.
• Forysta í uppbyggingu á faglegri verkefnastjórn hjá Ljósleiðaranum
• Stuðningur við forstöðufólk í spágerð
• Þátttaka í umbótum á verkferlum Ljósleiðarans

Hæfni og reynsla sem við leitumst eftir:

• Sjálfstæði, öguð vinnubrögð, drifkraftur og frumkvæði
• Sterk þjónustulund og afburða samskiptafærni
• Líður vel í lausnamiðuðu teymisumhverfi sem sameiginlega nær árangri
• Vilji til þekkingarleitar, umbótahugsun og góð skipulagsfærni
• Reynsla af stýringu framkvæmdaverkefna og/eða stærri verkefna er kostur
• Háskólapróf á sviði í iðn­, tækni­ eða verkfræði er kostur
• MPM og/eða vottun í verkefnisstjórnun er kostur

Þetta starf fellur undir teymið verkefnastýring og eftirlit sem er hluti af Innviðasviði Ljósleiðarans