EFLA hf

EFLA er leiðandi þekkingarfyrirtæki sem veitir fjölbreytta þjónustu á öllum helstu sviðum verkfræði, tækni og tengdra greina. Hjá EFLU starfa um 400 starfsmenn í samstæðu fyrirtækisins á Íslandi og erlendis. EFLA hefur á að skipa mjög hæfu og reynslumiklu fagfólki á fjölmörgum sviðum. Sameiginlegt markmið þess er að auka virði fyrir viðskiptavinina með því að veita bestu mögulegu þjónustu og lausnir.

About

Sérfræðingur í rekstrargreiningum

EFLA óskar eftir að ráða sérfræðing í gagnagreiningum á rekstrarsviði sem annast fjármál félagsins og styður við dótturfélög þess. Leitað er að einstaklingi sem hefur brennandi áhuga á greiningum gagna og miðlun þeirra, og hefur eldmóð til að taka þátt í þróun félagsins inn í nýja og spennandi tíma ásamt öflugu teymi.

Helstu verkefni og ábyrgð

Þátttaka í gagnavinnslu og greiningu á rekstrargögnum sem nýtast við ákvarðanatöku og stefnumótun
Vinna við uppsetningu og þróun mælaborða og skýrslna í Power BI
Þátttaka í kostnaðargreiningu og eftirlit
Þátttaka í áætlanagerð
Rekstrartengd verkefni og greiningar ýmiskonar
Útreikningar á arðsemi verkefna
Skýrslugerð og miðlun gagna
Þátttaka í þróun og rekstri vöruhúss gagna

Menntunar- og hæfniskröfur

Háskólapróf sem nýtist í starfi, t.d. á sviði viðskipta, verkfræði, gagnavísinda eða skyldra greina
Reynsla af sambærilegu starfi
Góð greiningahæfni
Gott vald á úrvinnslu og framsetningu fjármálaupplýsinga
Góð færni í notkun á helstu upplýsingatæknilausnum, sérstaklega excel og Power BI
Færni til að tileinka sér nýja þekkingu og færni
Framúrskarandi samskiptahæfni
Heiðarleiki, drifkraftur og jákvætt viðmót
Metnaður, frumkvæði og sjálfstæði í starfi
Góð færni til tjáningar í ræðu og riti á íslensku og ensku

Fríðindi í starfi

Góður og hollur matur í hádeginu
Vellíðunarstyrkur
Samgöngustyrkur
Hreyfistyrkur
Fæðingarstyrkur
Gleraugnastyrkur
Símastyrkur
Símaáskrift og heimatenging

Vinnustaðurinn EFLA

EFLA er þekkingarfyrirtæki sem starfar á sviði verkfræði og tækni.

EFLA leggur mikla áherslu á að bjóða upp á nærþjónustu um allt land og starfrækir öflugar starfsstöðvar á landsbyggðinni. Við bjóðum störf óháð staðsetningu svo starfsfólk geti búið í sinni heimabyggð hvar sem er á landinu, unnið í spennandi verkefnum og tilheyrt öflugum teymum. Um fjórðungur starfsfólks EFLU starfar á landsbyggðinni.

Við bjóðum upp á afbragðs starfsumhverfi, sveigjanlegan vinnutíma og góðan starfsanda.

Öll starfsemi EFLU byggir á teymishugsun þar sem samvinna, þátttaka og samábyrgð í sterkri liðsheild eru grundvallaratriði. Gildi EFLU eru hugrekki, samvinna og traust og leggjum við mikið upp úr því að fá til liðs við okkur kraftmikið, jákvætt og metnaðarfullt starfsfólk sem skarar fram úr á sínu sviði.

EFLA er jafnlaunavottað fyrirtæki og hefur unnið frumkvöðlastarf í sjálfbærum rekstri.

Nánari upplýsingar um vinnustaðinn

Nánari upplýsingar um stefnur EFLU

Persónuverndaryfirlýsing til umsækjenda

Um svið og starfsstöðvar EFLU

Advertisement published2. January 2025

Application deadline12. January 2025

Language skills