Þroskaþjálfi - Setbergsskóli

Setbergsskóli óskar eftir þroskaþjálfa í 100% starfshlutfall.

Setbergsskóli var stofnaður árið 1989 og eru nemendur um 430 talsins auk þess sem við skólann er starfrækt sérdeild fyrir börn með einhverfu. Skólinn er staðsettur í fallegu umhverfi sem býður upp á mikla möguleika til útiveru.

Góður starfsandi og jákvæð samskipti einkenna starfmannahópinn og er vellíðan nemenda og starfsfólks ávallt höfð að leiðarljósi. Við skólann er unnið metnaðarfullt starf með sérstakri áherslu á fjölbreytt námsumhverfi, læsi, sköpun, lýðræði og uppbyggjandi endurgjöf. Allir nemendur í 5. - 10. bekk hafa spjaldtölvur til umráða og yngri nemendur hafa einnig aðgang að slíkum tækjum.

Einkunnarorð skólans eru virðing, víðsýni og vellíðan og grundvallast starf skólans á þeim gildum. Skólinn vinnur samkvæmt hugmyndafræði SMT um jákvæða skólafærni og samkvæmt hugmyndafræði Olweusar gegn einelti og andfélagslegri hegðun. Nánari upplýsingar um skólann og það öfluga starf sem þar er unnið er að finna á heimasíðu skólans.

Helstu verkefni og ábyrgð:

• Fjölbreytt nálgun í þjálfun og umsjón með nemendum í samvinnu við fagfólk og forráðafólk.
• Veitir nemendum einstaklingsmiðaðan og persónulegan stuðning í skólastarfinu.
• Gera áætlanir, sinna þjálfun, vinna með félagsfærni, aðlaga námsefni og námsaðstæður í samvinnu við fagfólk og forráðafólk.
• Skipuleggja þjálfun, velja og útbúa þjálfunar- og námsgögn, fylgja eftir settum markmiðum, meta árangur og endurskoða markmið í samstarfi við fagfólk og forráðafólk.
• Annast upplýsingagjöf og upplýsingaöflun vegna sérþarfa nemenda og veitir starfsfólki og forráðafólki leiðbeiningar í tengslum við greiningar og sérþarfir nemenda.
• Vinnur samkvæmt stefnu skólans í SMT skólafærni.
• Vinnur eftir stefnu skólans í eineltis- og forvarnarmálum.
• Vinnur að þróun skólastarfs í samstarfi við stjórnendur og samstarfsfólk.
• Starfið felur í sér ábyrgð á velferð barna í samvinnu við foreldra og fagfólk.
• Önnur störf samkvæmt starfslýsingu og sem yfirmaður felur starfsmanni.

Menntunar - og hæfniskröfur:

• Háskólamenntun á svið þroskaþjálfunar og starfsleyfi til að vinna sem slíkur (starfsleyfi fylgi umsókn).
• Reynsla og áhugi á að starfa með börnum og ungmennum með fjölbreyttan vanda.
• Lipurð í samskiptum, sveigjanleiki og samstarfshæfni.
• Þekking á SMT æskileg.
• Frumkvæði og sjálfstæði í vinnubrögðum.
• Mjög góð íslenskukunnátta.
• Víðtæk tölvukunnátta.
• Áhugi á teymiskennslu og þverfaglegu samstarfi.
• Stundvísi og samviskusemi.

Nánari upplýsingar um starfið veitir María Pálmadóttir, skólastjóri, í síma 5651011 eða í gegnum netfangið [email protected].

Nánari upplýsingar um skólann má finna á heimasíðunni http://www.setbergsskoli.is

Laun eru samkvæmt kjarasamningi Sambands íslenskra sveitarfélaga og Þroskaþjálfafélags Íslands.

Umsóknarfrestur er til og með 7. maí 2025.

Ráðið er í stöðuna frá 1. ágúst 2025

Greinargóð ferilskrá og starfsleyfi fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.