Þjónusturáðgjafi – Verkstæði

Ert þú með lausnamiðað hugarfar og ríka þjónustulund?
Áttu auðvelt með að byggja upp traust í samskiptum, hlusta á þarfir viðskiptavina og útskýra tæknileg atriði á skýran og skiljanlegan hátt? Finnst þér ánægjulegt að vinna með fólki og leggja áherslu á fagmennsku og jákvæða upplifun viðskiptavina?

Ertu skipulagður, nákvæmur og með góða yfirsýn?
Geturðu unnið markvisst eftir ferlum, haldið utan um mörg verkefni í einu og sinnt eftirfylgni af ábyrgð, jafnvel þegar álag er mikið? Hefurðu viðskiptalegan hugsunarhátt og vilja til að læra og þróast í starfi?

Um starfið

Þjónusturáðgjafi gegnir lykilhlutverki í daglegum rekstri verkstæðisins og er aðaltengiliður viðskiptavina. Starfið er fjölbreytt og krefjandi og felur í sér samskipti, skipulag og eftirfylgni verka í nánu samstarfi við verkstæði og viðskiptavini.