Securitas

Securitas er þjónustufyrirtæki og er starf okkar að auka öryggi viðskiptavina með gildin okkar að leiðarljósi sem eru árvekni, heiðarleiki og hjálpsemi. Hjá okkur starfa um 500 manns, flestir starfa á höfuðborgarsvæðinu en Securitas heldur úti þremur útibúum, á Akureyri, Eskifirði og Reykjanesi. Starfsfólkið samanstendur af fjölbreyttum og öflugum hóp fólks með ýmiskonar bakgrunn og menntun. Við leggjum mikið upp úr góðum anda á vinnustaðnum, jákvæðum samskiptum og búum þannig til umhverfi sem okkur öllum líður vel í. Umhverfið okkar er allt í senn krefjandi og skemmtilegt og hér er góð liðsheild sem skilar sér í meiri árangri og líflegri menningu og leggjum við mikla áherslu á samvinnu og fagmennsku. Það er gaman í vinnunni, mikið hlegið og við hjálpumst öll að við að gera dag hvers annars betri. Securitas leggur áherslu á að skapa starfsfólki tækifæri til að þróast í starfi og takast á við krefjandi verkefni sem eflir það og styrkir. Við erum stolt af því hversu margir hafa fengið að vaxa og þróast í starfi hjá Securitas, en hér er möguleiki á öflugri starfsþróun og tækifæri til að fylgjast með því sem er að gerast í starfseminni á hverjum tíma. Við leggjum okkur fram við að allir njóti jafnra tækifæra á vinnustaðnum og metum allt starfsfólk að verðleikum. Við tryggjum það að einstaklingum sé ekki mismunað á grundvelli kyns, þjóðernis, kynþáttar, kynhneigðar, trúar eða annarra þátta.

About

Þjónustufulltrúi

Við hjá Securitas leitum að þjónustulunduðum og skipulögðum einstaklingi í okkar frábæra teymi á Reykjanesi.

Sem þjónustufulltrúi verður þú mikilvægur hluti af daglegu starfi útibúsins á Reykjanesi. Þú þarft að hafa gaman af fjölbreyttum verkefnum og vera frábær í mannlegum samskiptum. Þú tryggir að starfsemin gangi vel fyrir sig með því að veita faglega móttökuþjónustu fyrir gesti og viðskiptavini, svara símtölum og veita almennar upplýsingar. Einnig tekur þú þátt í samskiptum við bæði innri og ytri aðila og styður við útibússtjóra og starfsfólk með fjölbreyttum tilfallandi verkefnum.

Ef þú...

Býrð yfir framúrskarandi þjónustulund og góðri hæfni í mannlegum samskiptum
Sýnir frumkvæði og átt auðvelt með að leita lausna
Ert skipulögð/skipulagður og nýtur þess að hafa yfirsýn
Hefur getu til að starfa undir álagi
Hefur góða tölvukunnáttu og færni í helstu forritum
Hefur menntun sem nýtist í starfi og/eða reynslu af þjónustustörfum
Talar og skrifar íslensku reiprennandi

...þá viljum við heyra frá þér!

Í boði er fullt starf og er vinnutíminn frá kl. 08:00 – 16:00 mánudag til fimmtudags og stytting vinnuvikunnar á föstudögum. Starfið hentar öllum kynjum sem eru með góða íslenskukunnáttu og hreint sakavottorð.

Umsóknarfrestur er til og með 25. ágúst nk. Við hvetjum áhugasama til að sækja um sem fyrst, þar sem unnið verður úr umsóknum jafnóðum og þær berast. Farið er með allar umsóknir sem trúnaðarmál og öllum umsóknum er svarað.

Nánari upplýsingar veitir Hjalti S. Hjaltason, útibússtjóri, [email protected]

Hjá Securitas starfar fjölbreyttur og öflugur hópur starfsfólks sem telur um 500 manns víðsvegar um landið. Markmið okkar er að stuðla að öruggara umhverfi með því að veita faglega ráðgjöf, framúrskarandi þjónustu og lausnir með hátæknibúnaði sem hentar viðskiptavinum hverju sinni. Starfsfólk hefur tækifæri til starfsþróunar, og er Securitas fyrsta öryggisfyrirtækið á Íslandi til að taka upp raunfærnimat öryggisvarða. Einnig hefur Securitas fengið viðurkenningu sem Fyrirmyndarfyrirtæki í vinnustaðanámi frá Nemastofu atvinnulífsins. Bæði verðlaunin undirstrika faglega vegferð í fræðslu og þjálfun. Starfsfólk vinnur saman sem ein heild, með áherslu á jákvæðni og virðingu í samskiptum.

Advertisement published8. August 2025

Application deadline25. August 2025

Language skills