Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

About

Teymisstjóri skipulagsmála

Umhverfis- og skipulagssvið leitar að kraftmiklum einstaklingi til að leiða samráð, samskipti og upplýsingagjöf á stærstu skipulagsverkefnum borgarinnar. Ef þú ert lausnamiðaður og drífandi einstaklingur þá er þetta starf mögulega fyrir þig.

Deild skipulagmála veitir borgarbúum, borgarfulltrúum, ráðgjöfum, hönnuðum og verktökum upplýsingar og ráðgjöf um skipulagsmál. Auk þess vinnur deildin úr erindum sem berast skipulagsfulltrúa, annast grenndarkynningar og kynningarfundi, veitir umsagnir um leyfisumsóknir, annast samráð við opinbera umsagnaraðila, almenning og aðra hagaðila skv. ákvæðum laga og reglugerða.

Við leitum að lausnarmiðuðum einstaklingi með ríka samskiptahæfileika, frumkvæði og þjónustumiðaða hugsun, sem hefur áhuga á nýsköpun og vilja til að taka þátt í að styðja við skipulagsmál í Reykjavík. Starf teymisstjóra hefur snertifleti við fjölmarga aðila sem koma að spennandi uppbyggingu og skipulagi borgar.

Um er að ræða fjölbreytt og skemmtilegt starf í faglegu starfsumhverfi þar sem áhersla er á þverfaglega teymisvinnu, góða þjónustu og virðingu fyrir umhverfinu. Næsti yfirmaður er deildarstjóri skipulagsmála.

Helstu verkefni og ábyrgð

Hefur forystu um faglega verkefnastjórnun og framþróun hennar í teyminu og styður verkefnastjóra eins og þörf er á.
Yfirsýn framvindu og kostnaðaráætlana verkefna, eftirfylgni og upplýsingaflæði.
Verkefnastjórnun skipulagsverkefna.
Leiðandi hlutverk við mótun og framfylgd gæðamála og stefnu Reykjavíkurborgar í málaflokknum.
Yfirsýn yfir verkstöðu og aðkeypta þjónustu vegna verkefna og samráð við deildarstjóra við gerð fjárhagsáætlana.
Hefur umsjón með samningum í verkefnum teymisins, kostnaðaráætlunum, framvindureikningum og lokauppgjöri er heyra undir verkefni teymisins.

Menntunar- og hæfniskröfur

Framhaldsmenntun í arkitektúr, landslagsarkitektúr, skipulagsfræði eða sambærilegum greinum á háskólastigi sem nýtast í starfi.
A.m.k. fimm ára reynsla á starfssviðinu.
Þekking og reynsla af skipulagsverkefnum á stjórnsýslustigi.
Reynsla af verkefnastjórnun.
Frumkvæði í starfi, framsýni, skipulagsfærni og góð yfirsýn yfir verk og verkþætti.
Leiðtogahæfileikar, stefnufesta og lipurð í mannlegum samskiptum.
Góð færni í textagerð og framsetningu gagna, sem og í framsögu og kynningum. Góð tæknikunnátta.
Íslenskukunnátta C1-C2 í samræmi við í samevrópska tungumálarammann og enskukunnátta C1

Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.
Umhverfis- og skipulagssvið hefur innleitt 36 stunda vinnuviku og starfar eftir áherslum Reykjavíkurborgar um heilsueflingu á vinnustöðum og leggur áherslu á gagnkvæman sveigjanleika og að stuðla að jafnvægi milli vinnu og einkalífs.
Um er að ræða 100% starf og æskilegt er að starfsmaður geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar um starfið veita Hjördís Sóley Sigurðardóttir deildarstjóri, [email protected] eða Anna Lára Karlsdóttir mannauðsráðgjafi, [email protected].
Umsóknarfrestur er til og með 12. mars 2026.