Vesturbyggð

Vesturbyggð er á sunnanverðum Vestfjörðum og samanstendur af þremur þéttbýliskjörnum, Patreksfirði, Tálknafirði og Bíldudal og auk þess sveitir þar í kring. Einstök náttúrufegurð prýðir sunnanverða Vestfirði og hér er ótal margt að sjá og upplifa. Í Vesturbyggð er öflugt atvinnulíf, fjölbreytt þjónusta og gott mannlíf. Góð þjónusta er í sveitarfélaginu, öflugt æskulýðsstarf, leikskólar, íþróttasvæði, verslanir, sjúkrahús, verkstæði, vélsmiðjur, trésmíðaverkstæði, bíó, ferðaþjónusta og fl. Náttúrufegurð er mikilfengleg, en m.a. Rauðisandur og Látrabjarg er innan sveitarfélagsins. Möguleikar til útivistar, félagsstarfa, íþrótta og afþreyingar eru fjölmargar. Vesturbyggð tekur vel á móti nýjum íbúum!

About

Sviðsstjóri fjölskyldusviðs - Vesturbyggð

Vesturbyggð auglýsir eftir drífandi einstaklingi til að taka að sér fjölbreytt starf sviðsstjóra fjölskyldusviðs. Við leitum að aðila með áhuga og reynslu af stjórnun og teymisstarfi ásamt þekkingu á málaflokkum sviðsins. Viðkomandi þarf að búa yfir hæfni til að skipuleggja og virkja samstarfsmenn til samráðs og samvinnu.

Sviðsstjóri er yfirmaður fjölskyldusviðs og ber ábyrgð á málaflokkum sviðsins, þ.e. félagsþjónustu, fræðslumálum ásamt íþrótta- og tómstundamálum, og tryggir heildstæða þjónustu við fjölskyldur. Um er að ræða 100% starf í stjórnsýslu sveitarfélagsins sem heyrir undir bæjarstjóra.

Helstu verkefni og ábyrgð

Fagleg stjórnun fjölskyldusviðs
Ábyrgð á fjárhagsáætlun, fjárreiðum og rekstri stofnana sviðsins
Stuðningur og ráðgjöf til stjórnenda og starfsfólks sviðsins
Umsjón með starfsemi fjölskylduráðs og öldungaráðs
Ábyrgð á heildstæðri þjónustu við fjölskyldur á sviði félags-, skóla-, íþrótta- og tómstundamála
Ábyrgð á þátttöku Vesturbyggðar í svæðisbundnu samstarfi um barnavernd og málefni fatlaðs fólks
Yfirsýn og samhæfing sérfræðiþjónustu þvert á málaflokka
Frumkvæði að aðgerðum sem styrkja samfélagið

Menntunar- og hæfniskröfur

Háskólamenntun sem nýtist í starfi, framhaldsmenntun æskileg
Reynsla af stjórnun, rekstri, stefnumótun og mannauðsmálum
Þekking á málaflokkum fjölskyldusviðs og opinberri stjórnsýslu er kostur
Leiðtogahæfni, þjónustulund og hæfni í mannlegum samskiptum
Sjálfstæð vinnubrögð, frumkvæði og skipulagshæfni
Metnaður til að ná árangri í starfi
Góð íslenskukunnátta og hæfni til að tjá sig í ræðu og riti

Vesturbyggð er á sunnanverðum Vestfjörðum og samanstendur af þremur þéttbýliskjörnum, Patreksfirði, Tálknafirði og Bíldudal og auk þess sveitir þar í kring. Svæðið einkennist af einstakri náttúrufegurð, öflugu atvinnulífi, fjölbreyttri þjónustu og góðu mannlífi. Í sveitarfélaginu er sterk innviða- og fjölskylduþjónusta, m.a. leikskólar, íþróttastarf og öflugt æskulýðsstarf. Vesturbyggð býður upp á fjölbreytta möguleika til útivistar, félagslífs og afþreyingar og tekur vel á móti nýjum íbúum!

Umsóknum skal fylgja ítarleg náms- og starfsferilsskrá, auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Öllum umsóknum verður svarað þegar ákvörðun um ráðningu liggur fyrir.

Advertisement published5. May 2026

Application deadline19. May 2026

Language skills