Aðstoðarskólastjóri Tónlistarskóla Árnesinga
Auglýst er eftir aðstoðarskólastjóra í fullt starf við Tónlistarskóla Árnesinga
frá 1. ágúst 2026. Stjórnunarhlutfall er um 85%, kennsluskylda 15%.
Að Tónlistarskóla Árnesinga standa öll átta sveitarfélög Árnessýslu og er hann einn stærsti og umsvifamesti tónlistarskóli landsins. Starfsemi skólans fer fram á tólf stöðum í sýslunni. Fjöldi nemenda er um 540 og um 40 kennarar starfa að jafnaði við skólann.
Upplýsingar veita núverandi skólastjórnendur, Helga Sighvatsdóttir skólastjóri ([email protected]) og Jóhann I. Stefánsson aðstoðarskólastjóri ([email protected]), en skólastjóri frá ágúst 2026 er Stefán Haukur Gylfason.
Umsóknarfrestur er til og með 22. maí 2026
Umsóknir sendist á netfang skólans [email protected].
Umsókn þarf að fylgja starfsferilskrá og einnar blaðsíðu kynningarbréf þar sem á kerfisbundinn hátt er gerð grein fyrir því hvernig viðkomandi uppfyllir hæfniskröfur starfsins. Vinsamlegast tilgreinið a.m.k. tvo meðmælendur.
Aðstoðarskólastjóri:
- vinnur undir stjórn skólastjóra og er tilbúinn að ganga í verk skólastjóra þegar á þarf að halda.
- ber ábyrgð á vissum þáttum starfsins, en hefur fyrst og fremst umsjón með fjölþættu og krefjandi innra starfi skólans.
- sinnir m.a. launaútreikningi ásamt skólastjóra.
- er tengiliður við ýmsar opinberar stofnanir.
- hefur umsjón með nemendaskrá og kennaraskrá.
- kemur að gerð ársskýrslu.
- sinnir öðrum tilfallandi verkefnum sem skólastjóri felur honum hverju sinni.
Tónlistarmenntun á háskólastigi (kennari 3).
Stjórnunarreynsla æskileg.
Innsæi í starfsemi tónlistarskóla og þróun tónlistarnáms æskilegt.
Mjög góð tölvukunnátta.
Framúrskarandi samskiptahæfni, jákvætt viðmót og þjónustulund.
Fagmennska, metnaður og frumkvæði.
Skipulagshæfni og sjálfstæði í vinnubrögðum.
Gott vald á íslensku og ensku, bæði í ræðu og riti.
Icelandic
