Sumarstörf á velferðarsviði Akureyrarbæjar
Langar þig að kynnast nýju fólki – og sjálfum þér betur í leiðinni? Viltu mæta í vinnu þar sem enginn dagur er eins og hafa gaman?
Velferðarsvið Akureyrarbæjar leitar að kraftmiklu og jákvæðu fólki í sumarafleysingar sumarið 2026. Um er að ræða fjölbreytt og skemmtileg störf þar sem mannleg samskipti og umhyggja eru í forgrunni. Ef þú vilt upplifa sumar sem skiptir máli – þá er þetta tækifærið!
Í boði eru störf í dagvinnu sem og í vaktavinnu, þar sem unnið er á dag-, kvöld-, helgar- og næturvöktum. Umsækjendur þurfa að hafa náð 18 ára aldri.
Góð liðsheild á starfsstöðvum okkar spilar stóran þátt í því að fólki líði vel og að veitt sé góð þjónusta. Unnið er eftir hugmyndafræði Þjónandi leiðsagnar og valdeflingu.
Velferðarsvið sér um að veita fólki fjölbreytta þjónustu skv. lögum um félagsþjónustu sveitarfélaga og lögum um þjónustu við fatlað fólk. Lögð er áhersla á að efla og styðja notendur þjónustunnar til sjálfsbjargar og sjálfstæðis. Starfsfólk okkar sinnir ólíkum einstaklingum í fjölbreyttu og skemmtilegu umhverfi.
- Stuðningur við fatlað fólk til að lifa sem eðlilegustu lífi. Starfsstöðvar eru íbúðakjarnar, íbúðir með þjónustu eða sambýli.
- Aðstoðar eldri borgara og öryrkja við athafnir daglegs lífs.
- Styður við fötluð börn og ungmenni í tímabundinni dvöl í skammtímaþjónustu Brekkukots.
- Starfar í sumarvistun með fötluðum börnum og aðstoðar þau við að njóta menningar-, tómstunda- og félagslífs.
- Starfar í athvarfinu Laut, fyrir fatlað fólk sem miðar að þátttöku þeirra í félagslífi.
- Starfar á fjölskylduheimilinu Sólbergi þar sem fer fram greiningar- og þjálfunarvistun fyrir börn og foreldra þeirra.
- Unnið er eftir þjónustuáætlun, þjálfunaráætlun og/eða dagskipulagi.
- Hæfileiki og áhugi á að starfa með fólki.
- Stundvísi, sveigjanleiki, samviskusemi, góðvild, gagnkvæm virðing og jákvætt viðhorf til fólks.
- Reynsla af sambærilegum störfum er kostur og skal tekið fram í umsókn.
- Geta til að vinna undir álagi og taka sjálfstæðar ákvarðanir.
- Gott líkamlegt atgervi.
- Góð íslenskukunnátta í töluðu og rituðu máli.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Icelandic
