Sumarafleysing á skrifstofu

Ertu þjónustulipur og skipulagður?

Sælgætisgerðin Freyja leitar eftir öflugum starfsmanni í sumarafleysingu á skrifstofu félagsins frá júní - ágúst.

Um er að ræða fjölbreytt og þjónustumiðað starf þar sem lögð er áhersla á fagleg samskipti og góð viðmót, bæði í síma, tölvupósti og í móttöku.
Viðkomandi þarf að hafa náð 18 ára aldri.

Freyja er elsta starfandi sælgætisgerð á Íslandi sem framleiðir og markaðssetur ótal vörutegundir af gómsætu sælgæti á heimsmælikvarða bæði á Íslandi og erlendis. Hjá Freyju starfa um 50 manns af öllum uppruna á tveimur stöðum, í verksmiðju fyrirtækisins á Kársnesbraut í Kópavogi og á skrifstofu- og lagerhúsnæði fyrirtækisins á Vesturvör í Kópavoginum.

Freyja er dótturfélag Langasjávar ehf. Félög í samstæðunni sérhæfa sig í framleiðslu og dreifingu á matvælum. Fyrirtækið vinnur markvisst að jafnréttismálum og stuðlar að vexti starfsmanna.