Varnir og Eftirlit

Varnir og Eftirlit ehf er í eigu AÞ-þrif ehf, en félagið hóf starfsemi sína árið 2001. Meginverkefni Varna og eftirlits felast í starfrækslu meindýraeftirlits fyrirtækja og stofnana. Þannig sinna starfsmenn fyrirtækisins eftirliti og fyrirbyggjandi ráðstöfunum varðandi meindýravarnir. Þá er fyrirtækið viðskiptavinum sínum til ráðgjafar með þá þætti starfseminnar sem geta haft áhrif á álag vegna meindýra. Varnir og Eftirlit er með sólarhrings þjónustu allt árið og við leggjum metnað okkar í stundvísi og að veita ávallt fyrirtaks þjónustu. Fyrirtækið hefur yfir góðum tækjakosti að ráða s.s. röramyndavél til að skoða holræsakerfi, sérhæfðum frystibúnaði, einum sinnar tegundar á Íslandi, til að frysta í minus 79°C, við erfiðar aðstæður í húsnæðum. Varnir og Eftirlit er umboðsaðili og flytur inn þann búnað sem notaður er af starfsmönnum við þjónustu- og forvarnarstörf hjá viðskiptavinum. Þannig tryggjum við að ávallt sé nægur búnaður til taks. Við notum eingöngu sérhæfðan búnað sem uppfyllir opinberar kröfur.

About

Verkstjóri Meindýraeftirlits

Við leitum að öflugum og skipulögðum einstaklingi í starf verkstjóra. Um er að ræða krefjandi og fjölbreytt starf þar sem þú berð ábyrgð á daglegri verkstýringu (5 manna teymi), skipulagi verkefna bæði á verkstöðum og á skrifstofu, ásamt því að sinna meindýraeyðingum og öðrum sérverkefnum.

Helstu verkefni og ábyrgð

Dagleg verkstýring og verkefnastjórnun meindýraeyða.
Umsjón með tíma- og verkefnaskráningu (Tímon) og skilvirkri nýtingu mannauðs.
Halda utan um morgunfundi og tryggja að verkefni séu skýr og í samræmi við verkferla og gæðakröfur.
Umsjón og eftirfylgni með reikningagerð.
Samningagerð við nýja viðskiptavini.
Umsjón og ábyrgð á vaktsíma teymisins, skipulag á skiptingu milli starfsfólks.
Yfirsýn og ábyrgð á öllum verkefnum í tölvukerfum félagsins.
Framkvæmd meindýraeyðinga og önnur sérverkefni eftir þörfum.
Tryggja að reglubundnar þjónustuheimsóknir séu framkvæmdar á vandaðan hátt.
Önnur tilfallandi verkefni í samráði við næsta yfirmann.