Smáraskóli er heildstæður grunnskóli fyrir börn frá 1. – 10. bekk. Hann er staðsettur við Dalsmára 1, í næsta nágrenni við íþróttahúsið í Smáranum. Í skólastarfinu hefur menntun og mannrækt ætíð verið höfð að leiðarljósi en Smáraskóli er skóli þar sem öllum á að líða vel, jafnt börnum, starfsmönnum og foreldrum. Gildin sem Smáraskóli byggir starf sitt á endurspeglast í einkunnarorðum skólans og ýta undir jákvæðan skólabrag. Einkunnarorðin eru virðing, vöxtur, viska og víðsýni. Við viljum að jafnvægi, kurteisi og virðing einkenni samskipti allra í skólasamfélaginu. Við einbeitum okkur að mannrækt og leggjum okkur fram við að skapa gott skólastarf og gott skólaumhverfi.