Sólheimar ses

Sólheimar hafa starfað að mannrækt, umhverfis- og menningarmálum í 84 ár. Í byggðarhverfinu Sólheimum búa og starfa um 100 manns. Rekin er fjölþætt atvinnustarfsemi með garðyrkjustöð, skógræktarstöð, verslun, kaffihúsi, bakaríi, matvinnslu, jurtastofu og gistiheimili. Á staðnum eru fimm mismunandi listasmiðjur, leirgerð, listasmiðja, kertagerð, vefstofa og smíðastofa. Menningarstafssemi er fjölþætt og á Sólheimum er listhús, sýningarsalir, höggmyndagarður, trjásafn, kirkja, fræðasetrið Sesseljuhús og íþróttaleikhús.

About

Stuðningsfulltrúi í félagsþjónustu.

Félagsþjónusta Sólheima óskar eftir að ráða tvo stuðningsfulltrúa til starfa sem fyrst, til að aðstoða þjónustunotendur í sjálfstæðri búsetu.

Um er að ræða tvær 100% stöður.

Æskilegt er að viðkomandi starfsmaður hafi reynslu af störfum með fötluðu fólki, sé jákvæður, hafi ríka þjónustulund og tali íslensku. Um er að ræða vaktavinnu þar sem unnið er á 12 tíma vöktum í sex daga vinnulotum í senn og átta daga fríi á milli. Laun eru samkvæmt kjarasamningi Bárunnar stéttarfélags við Sólheima ses.

Helstu verkefni og ábyrgð

Veita íbúum aðstoð við athafnir daglegs lífs
Dagleg umsjón með heimilishaldi, þrifum og öðrum tilfallandi verkefnum
Hvetja íbúa til virkni, þjálfunar og þátttöku í félagslífi
Samstarf við íbúa, aðstandendur og annað starfsfólk
Tryggja að framkvæmd þjónustu sé í samræmi við lög og reglur

Menntunar- og hæfniskröfur

Góð íslenskukunnátta
Sveigjanleiki og hæfni í mannlegum samskiptum
Frumkvæði, jákvæðni og sjálfstæð vinnubrögð
Reglusemi áskilin
Starfsmaður skal hafa hreint sakavottorð
Reynsla af umönnunarstörfum æskileg
Bílpróf æskilegt
Starfsmaður þarf að starfa í samræmi við gildi Sólheima

Fríðindi í starfi

Aðgangur að líkamsrækt og sundlaug.

Sólheimar er sjálfbært samfélag þar sem um 110 einstaklingar búa og starfa saman. Þar er m.a. rekin, verslun, kaffihús, íþróttahús og sundlaug. Á vinnustofum fyrir þjónustunotendur fer fram fjölbreytt starfsemi í leirgerð, vefstofu, smíðastofu, listasmiðju og í kertagerð.

Advertisement published5. September 2025

Application deadline17. September 2025

Language skills