Söluráðgjafi hjá Bílaumboðinu Unu

Við leitum að metnaðarfullum og drífandi aðila til að sinna starfi söluráðgjafa hjá Bílaumboðinu Unu sem er bílaumboð sem selur og þjónustar bíla frá kínverska bílaframleiðandanum XPENG. Viðkomandi mun einnig sinna öðrum verkefnum sem snúa að upplifun viðskiptavina og fær tækifæri til að móta starfið.

Bílaumboðið Una, Askja, Dekkjahöllin og Landfari eru dótturfélög Inchcape á Íslandi sem er hluti af alþjóðlega fyrirtækinu Inchcape Plc sem sérhæfir sig í sölu og dreifingu á bifreiðum og er skráð í kauphöllinni í London. Inchcape er leiðandi fyrirtæki á sínu sviði, starfar á 38 mörkuðum með yfir 16.000 starfsmenn og vinnur með stærstu bílaframleiðendum heims.

Við bjóðum einstakt tækifæri til að taka þátt í uppbyggingu og vexti á þessu nýja og spennandi vörumerki á Íslandi þar sem verkefnin eru fjölbreytt og krefjandi í lifandi og skemmtilegu starfsumhverfi.