Skóla- og frístundaliði - Hvaleyrarskóli

Hvaleyrarskóli óskar eftir að ráða drífandi og kraftmikinn skóla- og frístundaliða í 70% starf

Í Hvaleyrarskóla eru tæplega 400 nemendur í 1. til 10. bekk. Einkunnarorð skólans eru ábyrgð, kurteisi og samvinna og endurspeglast allt skólastarfið í þessum orðum. Í skólanum er unnið samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa þannig jákvæðan skólabrag. Hvaleyrarskóli er jafnframt heilsueflandi grunnskóli og vinnur eftir Olweusaráætluninni gegn einelti. Hvaleyrarskóli er skóli margbreytileikans þar sem lögð er rækt við fjölmenningu.

Skólinn vinnur samkvæmt hugmyndafræði SMT, Olweus, markvissar málörvunar og Byrjendalæsis.

Nánari upplýsingar um skólann má einnig finna á heimasíðunni http://www.hvaleyrarskoli.is.

Helstu verkefni og ábyrgð:

• Aðstoðar við faglegt starf með nemendum
• Starfar samkvæmt leiðsögn frá næsta yfirmanni
• Stuðlar að góðum aga og jákvæðum samskiptum
• Tekur þátt í skipulagningu, undirbúningi og framkvæmd á fjölbreyttu tómstundastarfi
• Stuðlar að velferð ungmenna í samstarfi við foreldra og annað fagfólk
• Leitast við að virkja sem flesta óháð getu eða þroska í fjölbreytt verkefni og taka fullan þátt í þeim verkefnum og viðburðum sem eru skipulögð
• Fylgist með og aðstoðar börnin í leik og starfi
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Áhugi á faglegu starfi með börnum og unglingum
• Reynsla af sambærilegum störfum æskileg
• Íslenskukunnátta
• Uppbyggjandi í samskiptum, sveigjanleiki og mikil samstarfshæfni
• Frumkvæði og sjálfstæði í vinnubrögðum
• Stundvísi og samviskusemi
• Hæfni til að aðlagast breyttum aðstæðum
• Geta til að vinna undir álagi

Ef þetta eitthvað sem vekur áhuga þinn hafðu samband við okkur. Kristinn Guðlaugsson, skólastjóri í síma 664-5833/ kristinn@hvaleyrarskoli.is Vala Stefánsdóttir, aðstoðarskólastjóri í síma 868 6859/ vala@hvaleyrarskoli.is eða í síma skólans 565-0200.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 16. desember 2024.

Skilyrði við ráðningu er að viðkomandi hafi hreint sakavottorð.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.