Skóla- og frístundaliðar í frístundaheimilið Holtasel - Hvaleyrarskóli

Hvaleyrarskóli óskar eftir að ráða skóla- og frístundaliða í 50% starf í frístundaheimið Holtasel.

Um er að ræða starf sem felur í sér stuðning og aðstoð við nemendur í frístundaheimilinu Holtaseli eftir hádegi alla virka daga. Eftir að hefbundnum skóla lýkur geta nemendur í 1. - 4. bekk farið í frístundaheimilið Holtasel. Starfsemi Holtasels er í skólanum. Holtasel býður upp á fjölbreytt tómstundastarf til kl. 16:30, alla virka daga, óháð getu, þroska eða fötlun barna. Sérstök áhersla er lögð á að koma til móts við alla hópa.

Helstu verkefni og ábyrgð:

• Starfar með nemendum með sértækan vanda
• Aðstoðar við almennt bekkjarstarf undir leiðsögn kennara
• Starfar í frístundaheimili og á sumar- og leikjanámskeiðum
• Tekur á móti nemendum og aðstoðar
• Sinnir gangavörslu og eftirliti með húsnæði og búnaði, heldur göngum og snyrtingum snyrtilegum yfir daginn
• Aðstoðar í matsal og við undirbúning matmálstíma
• Fylgist með og aðstoðar börnin í leik og starfi
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Reynsla af starfi með börnum er æskileg
• Íslenskukunnátta skilyrði
• Almenn tölvukunnátta
• Mikill áhugi og metnaður til að starfa með börnum
• Uppbyggjandi í samskiptum, sveigjanleiki og mikil samstarfshæfni
• Frumkvæði og sjálfstæði í vinnubrögðum
• Stundvísi og samviskusemi

Skilyrði fyrir ráðningu er að viðkomandi hafi hreint sakavottorð.

Nánari upplýsingar um starfið veitir Margrét Heiða Magnúsdóttir, deildarstjóri Tómstundamiðstöðvar, í síma 664-5778 eða í gegnum netfangið [email protected] eða Kristinn Guðlaugsson skólastjóri í síma 664-5833 eða í gegnum netfangið [email protected]

Umsóknarfrestur er til og með 16.október 2025.

Greinargóð ferilskrá fylgi umsókn.

Laun eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.