Náms- og starfsráðgjafi - Lækjarskóli

Lækjarskóli auglýsir eftir drífandi og kraftmiklum náms- og starfsráðgjafa í 100% starfshlutfall

Lækjarskóli á sér sögu allt aftur til ársins 1877 og er staðsettur í fallegu og grónu umhverfi við Lækinn í Hafnarfirði. Reist var ný skólabygging, björt og rúmgóð, og tekin í notkun árið 2002. Hér er meðal annars að finna bæði sundlaug og íþróttahús. Nemendur eru um 450 talsins. Allir nemendur frá 5. -10. bekk hafa eigin spjaldtölvu til afnota.

Einkunnarorð Lækjarskóla eru ábyrgð, virðing og öryggi, og endurspeglast allt skólastarfið í þessum orðum. Unnið er samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa jákvæðan skólabrag.

Fyrir nokkru hófst innleiðing á Universal Design for Learning (UDL). UDL er aðferðafræði sem er byggð á rannsóknum David Rose (Boston Harvard,1984). UDL veitir nemendum möguleika á að læra á ólíka vegu og að sýna kunnáttu sína á ólíka hátt. Nemendur eru virkir og hafa áhrif á eigið nám og er tilgangurinn að útrýma hindrunum sem standa í vegi fyrir árangri nemenda.

Helstu verkefni og ábyrgð:

• Að standa vörð um nám og velferð nemenda
• Að taka þátt í forvarnarverkefnum skólans
• Er í eineltisteymi skólans
• Að vera trúnaðarmaður og talsmaður nemenda
• Að veita nemendum, foreldrum og starfsfólki ráðgjöf varðandi nám, námstækni, námsvenjur, líðan, kvíða og samskiptavanda
• Önnur verkefni skv. starfslýsingu

Menntunar- og hæfniskröfur:

• Starfsréttindi sem náms- og starfsráðgjafi
• Geta til að vinna sjálfstætt
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Mjög góða íslenskukunnátta

Gerð er krafa um hreint sakavottorð við ráðningu.

Umsóknarfrestur er til og með 9. október 2025

Nánari upplýsingar um starfið veitir G. Dögg Gunnarsdóttir skólastjóri með tölvupósti [email protected]

Greinargóð ferilskrá og leyfisbréf fylgi umsókn.

Launakjör eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.