Skapandi og skemmtilegt starf
Kársnesskóli auglýsir starf aðstoðarforstöðumanneskju í Vinahóli
Kársnesskóli er heildstæður grunnskóli í vesturbæ Kópavogs. Í skólanum eru um 700 nemendur í 1. til 10. bekk og 110 starfsmenn og þar ríkir góður starfsandi. Við skólann er starfrækt frístund fyrir börn í 1. til 4. bekk. Frístundin Vinahóll starfar í anda stefnu Kópavogsbæjar um málefni frístundastarfs og klúbbastarfs en þar er lögð áhersla á að hver einstaklingur fái að njóta sín og þroskast í umhverfi sem einkennist af hlýju, öryggi og virðingu. Gildi skólans eru virðing, þekking, ábyrgð og ánægja.
- Um framtíðarráðningu er að ræða
- Um er að ræða 100% starf
Aðstoðarforstöðumanneskja er staðgengill forstöðukonu og nánasti samstarfsaðili. Viðkomandi vinnur að mótun faglegs starfs og starfsáætlunar í samráði við forstöðukonu og skólastjórnendur, sem og að vinna samhliða öðru starfsfólki frístundar í beinni vinnu með nemendum bæði innan dyra og utan. Aðstoðarforstöðumanneskja ber sameiginlega ábyrgð með forstöðukonu á stjórnun og skipulagi allrar daglegrar starfsemi Vinahóls.
- Reynsla og áhugi á starfi með börnum
- Góð íslenskukunnátta skilyrði
- Þolinmæði og hæfni í mannlegum samskiptum
- Hæfni til forystu í faglegu starfi
- Viðkomandi þarf að vera skipulagður, sýna sjálfstæði og frumkvæði í starfi
- Stundvísi og áreiðanleiki er skilyrði
- Framhaldskólamenntun eða önnur menntun sem nýtist í starfi æskileg