Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

About

Sjálandsskóli óskar eftir umsjónarkennara í 3. bekk

Í Sjálandsskóla er laust til umsóknar starf umsjónarkennara í 3. bekk út skólaárið 2024-2025

Sjálandsskóli er heildstæður grunnskóli fyrir nemendur í 1.-10. bekk og er staðsettur í Garðabæ. Í skólanum eru 270 nemendur og starfsmenn eru um 70. Í Sjálandsskóla ríkir góður starfsandi þar sem allir starfsmenn vinna saman að því að byggja upp fjölbreytt og skapandi skólastarf. Aðstaða starfsfólks og nemenda er til fyrirmyndar. Leitað er eftir einstaklingi sem er tilbúinn að starfa að sveigjanlegu skólastarfi í teymisvinnu og samkvæmt skólastefnu Sjálandsskóla.

Helstu verkefni og ábyrgð

Skipulag náms og kennslu nemenda í 3. bekkjar teymi
Sinnir kennslu og hefur umsjón með nemendum
Vinnur að skólaþróun með stjórnendum og samstarfsfólki
Stuðlar að velferð nemenda og samstarfi við foreldra og annað fagfólk
Þátttaka í teymisvinnu
Foreldrasamskipti og samvinna heimilis og skóla

Menntunar- og hæfniskröfur

Leyfisbréf til kennslu (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði grunnskóla
Lipurð og færni í mannlegum samskiptum ásamt metnaði í starfi
Frumkvæði, skipulagshæfni og sjálfstæði í vinnubrögðum
Faglegur metnaður
Áhugi á skólaþróun
Góð íslenskukunnátta er skilyrði á stigi C-1 samkvæmt evrópska tungumálarammanum
Góð tölvukunnátta
Reynsla af starfi í grunnskóla og/eða starfi með börnum er æskileg

Umsóknarfrestur er til og með 9. desember. Æskilegt er að umsækjendur geti hafið störf sem fyrst eða í síðasta lagi 1. janúar 2025. Um er að ræða 100% starf.

Nánari upplýsingar um starfið veitir Sesselja Þóra Gunnarsdóttir skólastjóri í síma 5903100 eða með tölvupósti sesseljag@sjalandsskoli.is.

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um með því að smella sækja um og opna vefform.

Umsókn um starfið skal fylgja kynningarbréf og starfsferilskrá. Í kynningarbréfi skal gera grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila.

Advertisement published26. November 2024

Application deadline9. December 2024

Language skills