Sérfræðingur í Kerfisstjórnun
Veðurstofa Íslands leitar að drífandi og framsýnum einstaklingi í stöðu sérfræðings í kerfisrekstri.
Leitað er eftir einstakling sem hefur áhuga á að vera hluti af hvetjandi liðsheild sem hefur það hlutverk að vakta og rannsaka náttúruöfl landsins og efla þannig öryggi samfélagsins í ört breytilegum heimi. Þessu hlutverki sinnir starfsfólk Veðurstofunnar með gagnasöfnun, varðveislu gagna, og miðlun upplýsinga byggða á áreiðanlegri upplýsingatækni.
Viðkomandi þarf að hafa góðan tæknilegan bakgrunn, geta sinnt almennri upplýsingatækniþjónustu og unnið eftir verklagi í ISO vottuðu umhverfi. Viðkomandi mun starfa á Upplýsingatæknisviði Veðurstofu Íslands
Veðurstofa Íslands er opinber stofnun sem heyrir undir Umhverfis- orku- og loftslagsráðuneytið. Á Veðurstofunni starfa um 160 manns með fjölbreytta menntun og starfsreynslu sem spannar mörg fræðasvið vísinda og sérfræðiþekkingar. Auk þess starfa um 50 manns við athugana-og eftirlitsstörf víðsvegar um landið. Nánari upplýsingar um stofnunina má finna á heimasíðu hennar www.vedur.is
Rekstur miðlægra og sérhæfðra kerfa Veðurstofunnar .s.s. innleiðing, viðhald, eftirlit og ráðgjöf ásamt tilfallandi verkefnum. Viðkomandi sérhæfir sig í ákveðnum kerfum, en hefur rekstrarlega þekkingu á sem flestum kerfum upplýsingatækni.
Þátttaka í eða framkvæmd úrbótaverkefna, ásamt vali og innleiðingu tæknilausna hvers tíma. Regluleg áætlanagerð um rekstur kerfa ásamt samskiptum við innri sem ytri aðila.
- Nám í tölvunarfræði, kerfisstjórnun og/eða farsæl reynsla sem nýtist í starfi
- Gerð er krafa um reynslu af vinnu og rekstri þjóna í Linux umhverfi
- Góð þekking á m.a. VMWare raunvélaumhverfi, gagnageymslulausnum
- Þekking á Docker er kostur
- Framúrskarandi þjónustulund og samskiptahæfni
- Frumkvæði og metnaður í starfi, lausnarmiðuð hugsun og áhugi til að tileinka sér nýjungar
- Greiningarhæfni í flóknum kerfisrekstri
- Hæfni til að miðla upplýsingum
- Þekking á Puppet, Ansible, netkerfum eða eftirlitskerfum kostur
Í gildunum Veðurstofunnar er lögð áhersla á að vera áreiðanleg, samvinnufús og hugvitsöm. Ráðningar taka mið af þessum gildum.
