Sérfræðingur á gæðasviði

Coripharma óskar eftir að ráða fjölhæfan sérfræðing í ýmis verkefni á gæðasviði, nánar tiltekið á Gæðatrygginga-og Eftirlitsdeild. Verkefni deildarinnar eru mjög fjölbreytt og tengjast uppbyggingu, viðhaldi og eftirliti á gæðakerfum sem og eftirliti með ýmsum stigum framleiðslu- og pökkunar.

Um er að ræða fjölbreytt starf sem unnið er í nánu samstarfi við annað starfsfólk deildarinnar sem og starfsfólk og einingar innan annarra deilda fyrirtækisins. Verkefni og ábyrgðasvið verða útfærð í samræmi við reynslu og hæfni þess sem ráðinn verður, auk þess sem þau geta tekið breytingum eftir þörfum og þróun verkefna.

Helstu verkefni og ábyrgð

• Áhættugreiningar
• Gerð og viðhald skriflegra leiðbeininga
• Árlegt yfirlit yfir gæði vöru (e. Annual Product Quality Review)
• Samþykkt framleiðslumastera og rannsóknarmastera
• Verkefni tengd umhverfiseftirliti
• Verkefni tengd frávikavinnslu
• Eftirlit með uppfærslum á reglugerðum (Regulatory Surveillance)
• Meðhöndlun kvartana
• Stjórn breytinga
• Þátttaka í innri úttektum
• Ýmis greiningarvinna og úrvinnsla úr gögnum
• Betrumbætur á ferlum og yfirferð á skýrslum sem tengjast gæðamálum t.d. úttektarskýrslur frá birgjum, gildingaskýrslur fyrir vörur

Menntunar- og hæfniskröfur

• Háskólamenntun í raungreinum sem nýtist í starfi
• Reynsla af gæðakerfum er kostur (GMP)
• Nákvæmni og skipulagsfærni
• Góð samstarfshæfni og sjálfstæð vinnubrögð
• Góð tölvukunnátta
• Góð íslensku – og enskukunnátta

Fríðindi

• Mötuneyti
• Sveigjanlegur vinnutími

Coripharma er íslenskt nýsköpunarfyrirtæki með um 230 starfsmenn sem byggir á traustum grunni lyfjaþróunar og framleiðslu á Íslandi. Félagið sérhæfir sig í þróun, framleiðslu og útflutningi samheitalyfja ásamt því að sinna verktökuframleiðslu fyrir önnur lyfjafyrirtæki. Frá því að félagið hóf starfsemi árið 2018 hefur það hafið framleiðslu á 22 lyfjum og er með 21 nýtt lyf í þróun. Nánari upplýsingar um Coripharma má finna á www.coripharma.is

Með umsókn skal fylgja ferilskrá og kynningarbréf, þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Umsóknarfrestur er til og með 10. ágúst.