Ráðagóðir rafvirkjar á Suðurlandi
Leggðu línuna til RARIK
Taktu þátt í að veita viðskiptavinum okkar framúrskarandi þjónustu og treysta undirstöðu þriðju orkuskiptanna á Íslandi. Við leitum að rafvirkjum til starfa á tvær starfsstöðvar okkar á Suðurlandi; Hvolsvöll og Selfoss.
Framkvæmdaflokkar RARIK vinna fjölbreytt verkefni í sveitum og þéttbýlum landsins og eru oft andlit okkar útávið. Við leitum því að fólki sem getur eflt starfsstöðvar okkar á Suðurlandi með jákvæðu viðhorfi og drifkrafti. Meðal helstu verkefna eru umsjón með uppbyggingu og viðhaldi á stærsta dreifikerfi landsins, bæði háspennu- og lágspennustrengi, vinna við aðveitustöðvar, háspennulínur og önnur tilfallandi störf. Einnig þarf að hafa gott eftirlit með tækjum og búnaði og sinna viðgerðum jafnt sem nýframkvæmdum.
Við óskum eftir fólki með sveinspróf í rafvirkjun eða vélvirkjun sem hefur góða tölvukunnáttu og jákvætt og lausnamiðað hugarfar. Bílpróf er skilyrði og mikill kostur ef aukin ökuréttindi til aksturs á þyngri bílum fylgja með. Góð aðlögunarhæfni, vilji til að læra og geta til að horfa á og hugsa um hlutina uppá nýtt í hraðri tækniþróun orkugeirans eru eiginleikar sem við leitum eftir. Við kunnum einnig að meta hjálpsemi, náungakærleik og virðingu fyrir fólki og náttúrunni. Mikilvægt er að hafa góða öryggisvitund þegar kemur að störfum í framkvæmdaflokkum okkar og hafa hugrekki til að taka öryggissamtalið í öllum aðstæðum.
