Sýslumaðurinn á Austurlandi

Löglærður fulltrúi sýslumanns

Sýslumaðurinn á Austurlandi auglýsir starf löglærðs fulltrúa, með starfsstöð á Eskifirði, laust til umsóknar. Starfið felur í sér stjórnsýslumeðferð mála á grundvelli lögræðislaga, laga um nauðungarsölu, laga um aðför, hjúskaparlaga, barnalaga, erfðalaga o.fl.

Um fullt starf er að ræða og gert er ráð fyrir að nýr starfsmaður hefji störf á fyrri hluta ársins 2025.

Helstu verkefni og ábyrgð

Greining, úrlausn, ákvarðanir um málsmeðferð og eftirfylgni mála.
Upplýsingagjöf, leiðbeiningar og samskipti við þjónustuþega.
Samskipti við önnur stjórnvöld.

Þátttaka í nýsköpun og framþróun í málaflokknum sýslumanna.

Menntunar- og hæfniskröfur

Embættis- eða meistarapróf í lögfræði.
Starfsreynsla sem nýtist í starfi er æskileg.
Geta til að vinna sjálfstætt að greiningu og úrlausn lögfræðilegra álitaefna.
Frumkvæði, sjálfstæði og metnaður í starfi.
Hæfni í mannlegum samskiptum.
Skipulögð og öguð vinnubrögð.
Geta til að vinna undir álagi.
Góð tölvukunnátta.
Færni í mæltu og rituðu máli á íslensku og ensku.
Almenn ökuréttindi.

Við leitum að metnaðarfullum einstaklingi sem er reiðubúinn að taka þátt í mikilvægum verkefnum embættisins og þjónustu við íbúa og lögaðila á Austurlandi.

Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Umsókn um starfið þarf að fylgja afrit af prófskírteinum ásamt ítarlegri starfsferilsskrá og upplýsingum um meðmælendur. Einnig kynningarbréf þar sem umsækjandi rökstyður hæfni sína í starfið.

Öllum umsóknum verður svarað þegar ákvörðun um ráðningu hefur verið tekin. Athygli er vakin á því að umsóknir munu gilda í 6 mánuði frá því að umsóknarfrestur rennur út.

Allir einstaklingar óháð kyni eru hvattir til að sækja um starfið.

Starfshlutfall er 100%

Umsóknarfrestur er til og með 28.03.2025

Advertisement published7. March 2025

Application deadline28. March 2025

Language skills