Persónuvernd

Hlutverk Persónuverndar er að gæta hagsmuna almennings þannig að mannréttindi séu ekki brotin við meðferð persónuupplýsinga. Persónuvernd er sjálfstæð stofnun með sérstaka stjórn. Hún tekur ekki við fyrirmælum frá stjórnvöldum eða öðrum aðilum. Persónuvernd er leiðandi á sviði persónuverndar og meðferðar persónuupplýsinga á Íslandi og leitast við að tryggja að stofnanir og einkaaðilar þekki og fari eftir lögum og reglum um meðferð persónuupplýsinga. Stofnunin eflir þekkingu, vitund og skilning almennings á áhættu, reglum, verndarráðstöfunum og réttindum í tengslum við vinnslu persónuupplýsinga í þeim tilgangi að almenningur geti staðið vörð um réttindi sín og friðhelgi, svo og vitund ábyrgðaraðila og vinnsluaðila um skyldur sínar. Persónuvernd hefur skýra sýn á hlutverk sitt og ábyrgð í samfélaginu. Gildi stofnunarinnar eru þekking, trúverðugleiki og fagmennska og samanstendur innra og ytra starf stofnunarinnar af þessum þáttum sem unnið er af samheldnum og traustum mannauði.

About

Lögfræðingur hjá Persónuvernd

Persónuvernd óskar eftir að ráða kraftmikinn lögfræðing. Um er að ræða fjölbreytt og áhugavert starf sem býður meðal annars upp á tækifæri til að efla þekkingu á samspili mannréttinda og tækniþróunar.

Helstu verkefni og ábyrgð

· Öll afgreiðsla og meðferð mála sem heyra undir Persónuvernd, m.a. vinna að úrskurðum í ágreiningsmálum, ákvörðunum, umsögnum og álitum

· Verkefni tengd erlendu samstarfi, svo sem í tengslum við þátttöku Persónuverndar í Evrópska persónuverndarráðinu (EDPB)

· Svörun erinda, gerð fræðsluefnis og önnur almenn upplýsingagjöf til almennings

Menntunar- og hæfniskröfur

· Grunn- og meistarapróf í lögfræði eða sambærilegt nám

· Góð íslensku- og enskukunnátta

· Færni til að miðla upplýsingum á skýran og greinargóðan hátt

· Öguð, nákvæm og sjálfstæð vinnubrögð

· Góð samskiptahæfni, ábyrgð og lausnamiðað hugarfar

· Frumkvæði, sveigjanleiki og jákvæðni

Um fullt og ótímabundið starf er að ræða með gagnkvæmum sex mánaða reynslutíma. Æskilegt er að viðkomandi geti hafið störf sem fyrst. Laun og önnur starfskjör ákvarðast af kjarasamningi fjármála- og efnahagsráðherra, f.h. ríkissjóðs, og Stéttarfélags lögfræðinga. Starfið heyrir undir sviðsstjóra.

Sótt er rafrænt um starfið á www.starfatorg.is. Umsóknarfrestur er til og með 28. mars nk. Með umsókn þarf að fylgja starfsferilskrá, kynningarbréf þar sem gerð er grein fyrir ástæðu umsóknar og hæfni umsækjanda til að gegna starfinu, og afrit af prófskírteinum úr háskóla. Öllum umsóknum verður svarað að ráðningu lokinni og geta umsóknir gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa.

Persónuvernd er eftirlitsstofnun á sviði mannréttinda. Meginhlutverk hennar er að hafa eftirlit með því að öryggi upplýsinga um okkur öll sé tryggt og þær meðhöndlaðar af virðingu. Verkefni Persónuverndar eru fjölbreytt, áhugaverð og snerta flesta þætti samfélagsins. Persónuvernd er þekkingarvinnustaður sem leggur ríka áherslu á að búa starfsfólki sínu framúrskarandi starfsumhverfi. Starfsfólk getur fengið líkamsræktarstyrki og nýtur sveigjanlegs vinnutíma. Starfrækt er starfsmannafélag sem stendur fyrir reglulegum viðburðum.

Nánari upplýsingar um starfið veitir Helga Sigríður Þórhallsdóttir, sviðsstjóri Alþjóða- og fræðslusviðs, helga.s.thorhallsdottir (hjá) personuvernd.is.

Advertisement published3. March 2025

Application deadline28. March 2025

Language skills