Hugbúnaðarsérfræðingur

Við leitum að reyndum og lausnamiðuðum hugbúnaðarsérfræðingi til að starfa við þróun og rekstur á hugbúnaðarlausnum Sýnar. Verkefnin eru fjölbreytt og unnin í náinni samvinnu við þróunarteymi, viðskiptadeildir og sérfræðinga í einingum Sýnar til að tryggja að hugbúnaðarlausnir standist bæði tæknilegar og viðskiptalegar kröfur. Viðkomandi mun tilheyra Upplýsingatæknisviði en á sviðinu starfa metnaðarfull teymi sem sérhæfa sig í hugbúnaðartengdum verkefnum Sýnar.

Helstu verkefni og ábyrgð

• Framþróun og viðhald stafrænna lausna fyrir viðskiptavini, sölu eða þjónustu eða aðra hagsmunaaðila Sýnar.
• Greining, hönnun og útfærsla á nýjum eiginleigum í samræmi við þarfir.
• Samþætting kerfa og þróun vefþjónusta.
• Leiðréttingar á villum og bestun á hugbúnaðarkerfum.
• Sjálvirknivæðing ferla, afhendinga, prófana og reksturs.
• Þáttaka í skjalagerð og skjölun kóða.
• Þáttaka í kóðarýni.
• Viðhalda þekkingu á tækninýjungum innan hugbúnaðarþróunar, meta hvernig þær geta stutt við rekstur Sýnar og tryggt samkeppnishæfni.
• Þáttaka í mótun á tæknilegum arkítektúr og kerfislandslagi fyrir upplýsingatækni Sýnar með það að markmiði að tryggja skalanleika, skilvirkni, öryggi og áreiðanleika.

Menntunar- og hæfniskröfur

• Háskólamenntun í tölvunarfræði, verkfræði eða önnur sambærileg menntun.
• Góð skipulagshæfni og hæfni í mannlegum samskiptum.
• Lausnamiðað hugafar og sveigjanleiki.
• Hæfni til að vinna sjálfstætt sem og hluti af teymi.
• Góð færni í ensku, bæði í rituðu og töluðu máli.

Við hvetjum áhugasama af öllum kynjum til að sækja um starfið. Umsóknarfrestur er til og með 18.maí nk. Nánari upplýsingar veitir Kristinn Vignisson, Deildarstjóri Hugbúnaðarþróunar, [email protected]

Einungis er tekið á móti umsóknum í gegnum ráðningavefinn okkar.

Hvað höfum við að bjóða þér?

• Frábæra vinnufélaga
• Framúrskarandi vinnuaðstöðu
• Spennandi verkefni
• Sveigjanlegt og fjölskylduvænt vinnuumhverfi
• Möguleika á starfsþróun
• Mötuneyti á heimsmælikvarða
• Internet- og farsímaáskrift auk sérkjara af sjónvarpsþjónustu
• Árlegan heilsustyrk
• Árlegan símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Hver erum við?

Sýn er leiðandi fyrirtæki á sviði fjarskipta og fjölmiðlunar á Íslandi. Undir Sýn heyra vörumerkin Vodafone, Stöð 2, Vísir, Já.is, Bylgjan, FM957, X-977, Stöð 2 Sport. Hjá okkur starfar samheldinn hópur fólks sem leitast stöðugt við að veita viðskiptavinum okkar framúrskarandi þjónustu.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.