Do you want to translate non-english job information to English?

Expectus

Expectus er ráðgjafa- og hugbúnaðarfyrirtæki sem aðstoðar stærstu fyrirtæki landsins við að ná varanlegum árangri með því að nýta sér rauntímaupplýsingar til ákvarðanatöku. Við vinnum náið með okkar viðskiptavinum við að hanna og viðhalda framúrskarandi stjórnendaupplýsingum og gerum þeim kleift að spyrja og svara sínum eigin spurningum á einfaldan hátt. Þessa hæfni byggjum við á bestu aðferðarfræðum og hugbúnaði hverju sinni. Hjá Expectus starfa yfir 30 sérfræðingar í ráðgjöf & hugbúnaðargerð og við erum stolt af því að hafa verið valið bæði Fyrirtæki Ársins og Fyrirmyndarfyrirtæki hjá VR árlega síðastliðin ár.

About

Sérfræðingur í viðskiptagreind (BI)

Expectus leitar að sérfræðingi í viðskiptagreind (BI) í framtíðarstarf. Ef þú skilur virði gagna og mikilvægi þeirra til ákvarðanatöku og árangurs í rekstri þá gæti þessi staða hentað þér.

Sérfræðingar Expectus aðstoða daglega stærstu fyrirtæki landsins í að móta og innleiða gagnadrifna menningu og hámarka þannig mælanlegan árangur þeirra.

Starf sérfræðings felst meðal annars í ráðgjöf við viðskiptavini og uppbyggingu viðskiptagreindarumhverfis eftir bestu aðferðarfræðum hverju sinni. Með réttu undirstöðunum aðstoðum við viðskiptavini okkar við að taka gagnadrifnar ákvarðanir.

Dagleg störf hjá Expectus eru fjölbreytt og hefur starfsfólk mikla möguleika á að hafa áhrif á sérhæfingu sína og þróun í starfi. Engir tveir dagar eru eins hjá Expectus!

Helstu verkefni og ábyrgð

Samskipti, ráðgjöf og þjónusta við viðskiptavini
Mat á þörfum viðskiptavina og vinna við að svara þeim með tæknilausnum
Hönnun og uppbygging á mælaborðum til greiningar á stjórnendaupplýsingum
Skipulagning, hönnun og innleiðing á viðskiptagreindarlausnum (BI, Data & Analytics) hjá viðskiptavinum
Innleiðing á rauntímaeftirliti á viðskiptaferlum

Menntunar- og hæfniskröfur

Háskólapróf í verkfræði, tölvunarfræði eða sambærilegum greinum. Meistarapróf er kostur.
Þekking í gagnagrunnsforritun (s.s. SQL)
Góð þekking á Excel
Þekking á PowerBI og Tableau er kostur
Þekking á skýjaumhverfi, sér í lagi Azure, er kostur
Framúrskarandi samskiptahæfni, frumkvæði og vilji til að miðla þekkingu
Skapandi hugsun og hugmyndaauðgi ásamt hæfni til að koma hugmyndum á framfæri
Sjálfstæði í vinnubrögðum og skipulagshæfileikar
Löngun til að vaxa í starfi og læra eitthvað nýtt

Fríðindi í starfi

Sveigjanlegur vinnutími
Hádegisverður, snarl og drykkir á skrifstofunni
Möguleiki á að byggja upp sterkt tengslanet
Hressilegt félagslíf og mjög virkt starfsmannafélag
Íþrótta- og tækjastyrkur

Um Expectus

Expectus er tæknifyrirtæki sem hefur áratuga reynslu í ráðgjöf og hugbúnaðargerð.

Við gerum stærstu fyrirtækjum landsins kleift að ná varanlegum árangri í rekstri með því að nýta sér rauntímaupplýsingar til ákvarðanatöku. Við vinnum náið með viðskiptavinum okkar við að hanna og viðhalda framúrskarandi stjórnendaupplýsingum og gerum þeim kleift að spyrja og svara sínum eigin spurningum á einfaldan hátt.

Hjá Expectus starfa tæplega 40 sérfræðingar með ólíkan bakgrunn en deila ástríðu um mikilvægi gagna og upplýsinga til ákvarðanatöku.

Við erum fjölskyldumiðaður vinnustaður og við leggjum okkur fram við að skapa einstakt vinnuumhverfi og veita tækifæri til starfsþróunar.

Við erum auðmjúk og stolt að hafa verið valið Fyrirmyndarfyrirtæki og Fyrirtæki Ársins hjá VR síðastliðin ár.

Fyrir nánari upplýsingar um vinnustaðinn og vinnustaðamenningu okkar bendum við á starfasíðu Expectus hér á Alfreð.

Nánari upplýsingar

Tekið er á móti umsóknum í gegnum Alfreð en frekari upplýsingar um starfið veitir Reynir Ingi Árnason, framkvæmdastjóri Expectus (reynir@expectus.is).

Við hvetjum áhugasama einstaklinga, án tillit til kyns eða uppruna, til að sækja um.

Advertisement published11. April 2025

Application deadline11. May 2025

Language skills

Icelandic

Required

Expert

Location

Suðurlandsbraut 10, 108 Reykjavík

Type of work

Skills

Tech-savvyAzureQuick learnerProactiveData analysisHonestyDatabase designClean criminal recordCreativityPositivityHuman relationsAmbitionMicrosoft ExcelInnovativeDriver's licencePower BIIndependenceSQLTeam work

Professions

Job Tags

Similar jobs (12)

24 klst