Veritas

Hugbúnaðarsérfræðingur

Við leitum að metnaðarfullum og öflugum forritara, sem hefur áhuga á að taka þátt í innleiðingu á Microsoft Business Central úr Dynamics NAV til að slást í upplýsingatæknihóp Veritas. Um er að ræða spennandi starf í samhentu teymi fagfólks sem sér um upplýsingatæknimál Veritas samstæðunnar.

Viðkomandi þarf að hafa góða samskiptahæfni og faglega kunnáttu til að vinna að þeim verkefnum sem liggja fyrir hverju sinni. Viðkomandi þarf einnig að búa yfir frumkvæði og getu til að hrinda verkefnum í framkvæmd, vera árangursdrifinn og hafa gott auga fyrir nýjum tækifærum og umbótum.

Helstu verkefni og ábyrgð

Greining á þörfum, tæknilegum kröfum og hönnun hugbúnaðarlausna sem styðja við vinnuferla Veritas samstæðunnar.
Þátttaka í þróun upplýsingatækni innan Veritas samstæðunnar.
Forritun lausna.

Menntunar- og hæfniskröfur

Háskólamenntun sem nýtist í starfi, t.d. tölvunar- eða hugbúnaðarverkfræði.
Sjálfstæði, frumkvæði og skipulögð vinnubrögð.
Lausnamiðuð hugsun, þjónustulund, jákvæðni og lipurð í mannlegum samskiptum.
Reynsla og þekking á Dynamics NAV og Microsoft Business Central er kostur.
Þekking á Microsoft umhverfi: .NET og Power Platform er kostur.
Áhugi á að vinna með m.a. samþættingu kerfa og vefþjónustur.
Góð tækniþekking og geta til að setja sig inn í ný kerfi og umhverfi.

Umsóknarfrestur er til og með 19. janúar

Stefna Veritas er að stuðla að jafnrétti og fjölbreytileika meðal starfsfólks og hvetjum við einstaklinga af öllum kynjum til að sækja um. Tekið er við umsóknum í gegnum ráðningarvef Veritas. Umsóknum skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Nánari upplýsingar veita Hákonía J. Guðmundsdóttir, sviðsstjóri upplýsingatæknisviðs, hakonia@veritas.is og Hildur Guðjóndsóttir, mannauðssérfræðingur, hildurg@veritas.is

Veritas sérhæfir sig í rekstri fyrirtækja á sviði heilbrigðisþjónustu. Veritas er móðurfélag fyrirtækjanna Artasan ehf., Distica hf., MEDOR ehf., Stoð hf. og Vistor hf. Fyrirtækið er kjölfesta samstæðunnar og veitir þjónustu til dótturfyrirtækjanna svo þau geti einbeitt sér að kjarnastarfsemi sinni. Stjórnkerfi upplýsingaöryggis hjá Veritas er vottað skv. ISO 27001 af BSI (British Standards Institution) í London. Nánar á www.veritas.is

Advertisement published10. January 2025

Application deadline19. January 2025

Language skills