Hjúkrunarfræðingur óskast til starfa
Vegna stöðugs vaxtar og fjölbreyttra nýrra verkefna leitum við að hjúkrunarfræðingum til starfa í öflugu og samheldnu teymi. Um er að ræða margþætt og spennandi starf í hröðu starfsumhverfi þar sem þú færð tækifæri til að þróa þig í starfi og takast á við krefjandi verkefni.
Reynsla eða menntun í skurðhjúkrun er mikill kostur, en ekki skilyrði — við leggjum ríka áherslu á góða innleiðingu og þjálfun í sérhæfðum verkefnum fyrir allt okkar starfsfólk.
Við leitum að röskum, skipulögðum og jákvæðum einstaklingum með brennandi áhuga á góðri umönnun og teymisvinnu.
Starfshlutfall er eftir samkomulagi.
-
Aðstoð og þátttaka við aðgerðir á skurðstofum
-
Frágangur og meðhöndlun skurðaðgerðarverkfæra
-
Umönnun sjúklinga fyrir og eftir aðgerðir
-
BS-próf í hjúkrunarfræði
-
Jákvæð og drífandi framkoma með góða faglega nærveru
-
Góð samskipta- og samstarfshæfni
-
Skipulagshæfni og geta til að vinna undir álagi
-
Íslenskukunnátta er mikill kostur, ef íslenskukunnátta er ekki til staðar er skilyrði að viðkomandi geti auðveldlega tjáð sig og skilið ensku
Sumarfrí: Allir starfsmenn fá 30 daga í sumarfrí. Sumarfríið er að mestu tekið í júlí, en tvær vikur eru teknar í samráði við yfirmann.
Góður starfsandi og sterkt félagslíf: Vinnustaðurinn einkennist af jákvæðum og lifandi starfsanda, þar sem skemmtileg og samhent teymi starfa saman. Við leggjum mikla áherslu á að bjóða uppá fjölbreytta félagslega viðburði yfir árið sem styrkja tengsl og liðsheild.
Möguleikar á starfsþróun: Fyrirtækið er í miklum vexti, sem opnar dyr að frekari þjálfun, menntun, þróun og nýjum tækifærum í starfi.
Sveigjanleiki í vinnutíma: Hægt er að semja um hvort einstaklingur vinni eingöngu dagvinnu, en einnig eru í boði vaktir fyrir þá sem það kjósa.
Aðlögunarhæft starfshlutfall: Starfshlutfall er ákveðið í samráði við yfirmann og er mögulegt að breyta því með tímanum eftir þörfum og óskum starfsmanns.
Icelandic
English
