Umhverfis- og orkustofnun

Umhverfis- og orkustofnun tók til starfa 1. janúar 2025. Stofnunin tók við starfsemi Orkustofnunar og hluta af starfsemi Umhverfisstofnunar. Umhverfis- og orkustofnun fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum: Efnamál Eftirlit Haf og vatn Hringrásarhagkerfi Loftgæði Loftslags- og orkusjóður Losunarheimildir Orkuskipti Orkunýtni Starfsemin fer fram á sex starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Selfoss, Reykjavík og Hvanneyri.

About

Greining orku- og sérleyfismála með umbætur að leiðarljósi

Laust er til umsóknar starf á skrifstofu forstjóra Umhverfis- og orkustofnunar. Helstu verkefni munu felast í greiningu á rekstri og rekstraröryggi sérleyfisfyrirtækja á sviði innviða (hitaveitur, dreifiveitur o.s.frv.), greiningu á umbótatækifærum með almannahagsmuni að leiðarljósi og samskiptum við hagsmunaaðila. Einnig mun viðkomandi aðili sinna fjölmörgum sérverkefnum á sviði upplýsingaöflunar, gagnagreininga, stafrænnar þróunar og stöðugra umbóta á öllum sviðum stofnunarinnar. Verkefnin eru þess eðlis að góð samskipti við evrópskar og alþjóðlegar stofnanir eru nauðsynleg. Sérstök áhersla verður lögð á farsæl samskipti við hagsmunaaðila.

Helstu verkefni og ábyrgð

· Fjármála- og rekstrargreiningar á orku- og sérleyfisfyrirtækjum á sviði innviða

· Greining á umbótatækifærum með almannahagsmuni að leiðarljósi

· Stýring og ábyrgð á sérverkefnum á sviði orku- og sérleyfisfyrirtækja

· Samskipti og upplýsingaöflun

· Stuðningur við verkefni á sviði raforkueftirlitsins

· Stuðningur við verkefni á sviði stafrænnar þróunar

· Stýring og ábyrgð á mörgum spennandi sérverkefnum er tengjast öllum sviðum Umhverfis- og orkustofnun

Menntunar- og hæfniskröfur

· Háskólamenntun á sviði fjármála eða önnur háskólamenntun sem nýtist í starfi

· Þekking og reynsla á fjármálum ríksins er kostur

· Þekking og reynsla af orkumálum, loftslagsmálum eða orkuskiptum

· Þekking og reynsla á fjármálum og arðsemisgreiningum sérleyfisfyrirtækja er skilyrði

· Reynsla af að leiða umbótaverkefni og virkja ólíka aðila til samstarfs

· Stafræn verkefni – þekking og geta til að sýna frumkvæði

· Reynsla og hæfni af umbreytingu gagna í notendavænar upplýsingar

· Gott vald á íslensku og ensku bæði í ræðu og riti

· Góð samstarfshæfni og sveigjanleiki í samskiptum

· Skipulögð og sjálfstæð vinnubrögð

· Þekking á opinberri stjórnsýslu er kostur

· Haldbær þekking á einu Norðurlandamáli er kostur

Spennandi vinnuumhverfi í nýrri stofnun

Umhverfis- og orkustofnun er ný stofnun sem fer með stjórnsýslu og eftirlit auk annarra verkefna á sviði loftslags-, umhverfis- og orkumála og málefna auðlindanýtingar. Stofnunin tók til starfa 1. janúar við sameiningu Orkustofnunar og hluta Umhverfisstofnunar.

Verkefni nýrrar stofnunar eru fjölbreytt og starfsumhverfið er metnaðarfullt. Við viljum laða að öflugt fagfólk sem leggur áherslu á stöðugar umbætur og stafræna þróun. Umhverfis- og orkustofnun leggur áherslu á heilsu, öryggi og vellíðan og góð skilyrði fyrir starfsfólk til að þróast og eflast í starfi. Við erum með 36 stunda vinnuviku og sveigjanlegan vinnutíma. Starfsaðstaða er víðast í verkefnamiðuðu vinnuumhverfi og áhersla er lögð á bjóðandi andrúmsloft fyrir allt starfsfólk. Sjá nánari upplýsingar um Umhverfis- og orkustofnun á uos.is.

Hvar má bjóða þér að vinna?

Umhverfis- og orkustofnun starfar á sex starfsstöðvum um landið. Valið stendur um Akureyri, Mývatnssveit, Egilsstaði, Selfoss, Reykjavík og Hvanneyri.

Næsti yfirmaður er Gestur Pétursson forstjóri Umhverfis- og orkustofnunar, en Þóra Margrét Pálsdóttir Briem mannauðsstjóri veitir nánari upplýsingar um starfið í síma 569 6000.

Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags.

Umsókn um starfið er skilað inn í gegnum umsóknarkerfi 50skills og umsókn þarf að fylgja ferilskrá og kynningarbréf á íslensku, þar sem gerð er grein fyrir ástæðu umsóknar og hæfni umsækjanda í starfið.

TIL AÐ SÆKJA UM SMELLIÐ HÉR

ATH!! Einungis er tekið við umsóknum á 50skills en ekki í gegnum Starfatorg.

Gagnkvæmur reynslutími er sex mánuðir við ráðningu. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Við hvetjum áhugasöm til að sækja um, óháð kyni og uppruna.

Advertisement published22. April 2025

Application deadline12. May 2025

Language skills