Frístundaleiðbeinandi

Kársnesskóli óskar eftir hressum og skemmtilegum frístundaleiðbeinendum til að vinna með flottu krökkunum okkar í Vinahóli

Kársnesskóli er heildstæður grunnskóli í vesturbæ Kópavogs. Í skólanum eru um 670 nemendur í 1. til 10. bekk og 100 starfsmenn og þar ríkir góður starfsandi. Við skólann er starfrækt frístund fyrir börn í 1. til 4. bekk. Frístundin Vinahóll starfar í anda stefnu Kópavogsbæjar um málefni frístundastarfs og klúbbastarfs en þar er lögð áhersla á að hver einstaklingur fái að njóta sín og þroskast í umhverfi sem einkennist af hlýju, öryggi og virðingu. Gildi skólans eru virðing, þekking, ábyrgð og ánægja. Vinnutími getur hentað fólki sem er í námi.

Ráðningarhlutfall og tími

• Ráðningartími er eftir samkomulagi.
• 37,5% starf frá kl. 13.00 - 16.00 alla virka daga.

Menntunar- og hæfniskröfur

• Reynsla og áhugi á starfi með börnum
• Góð íslenskukunnátta skilyrði
• Þolinmæði og hæfni í mannlegum samskiptum
• Viðkomandi þarf að vera skipulagður, sýna sjálfstæði og frumkvæði í starfi
• Stundvísi og áreiðanleiki er skilyrði
• Framhaldskólamenntun eða önnur menntun sem nýtist í starfi æskileg

Frekari upplýsingar

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar gefur Natalia Irena, forstöðumaður Vinahóls í síma 441- 4634 og Björg Baldursdóttir í síma 4414600

Viðkomandi þarf að geta hafið störf sem fyrst

Bent er á að samkvæmt lögum verða umsækjendur að skila inn sakavottorði.

Tekið verður mið af jafnréttisstefnu Kópavogsbæjar við ráðningu í starfið.

Eingöngu er hægt að sækja um starfið í gegnum ráðningavef Alfreðs.