Flotastjóri
Ertu skipulagður leiðtogi með brennandi áhuga á rekstri og viðhaldi flota ? Hefur þú reynslu að stýra öflugum teymum og tryggja að farartæki og búnaður séu ætíð klár í verkefnin ? Þá viljum við heyra frá þér !
Skeljungur sér um dreifingu, innkaup og heildsölu á eldsneyti, smurolíu, hreinsi- og efnavörum, áburði sem og öðrum vörum og þjónustuþáttum til fyrirtækja og bænda. Þjónusta og sala til stórnotenda, til útgerða, í flug og verktöku er einnig hluti af starfseminni.
Hjá Skeljungi starfar fjölbreyttur hópur fólks á öllum aldri. Mannauðurinn er mikilvægasta auðlind Skeljungs. Við berum hag starfsmanna fyrir brjósti og viljum vera í fremstu röð hvað varðar réttindi þeirra, öryggi og starfsumhverfi. Í okkar daglega starfi vinnum við eftir kjarnagildum okkar, við erum jákvæð, við erum tilbúin í breytingar og við erum metnaðarfull.
Um starfið:
Við leitum að reynslumiklum og öflugum flotastjóra. Starfið felur í sér heildaryfirsýn yfir ökutæki og tækjabúnað félagsins.
- Eftirlit með öllum ökutækjum og vélbúnaði félagsins
- Dagleg dreifingarstjórn
- Áætlanagerð og eftirfylgni með reglubundu viðhaldi og endurnýjun
- Greining á rekstrargögnum og þróun hagræðingarlausna
- Samskipti við þjónustuaðila, birgja og verkstæði
- Reynsla af flotastjórnun
- Frábær skipulagshæfni og leiðtogahæfileikar
- Meirapróf kostur
- Grunnþekking á fjárhagslegri greiningu og rekstrarkostnaði
- Góð færni í íslensku og ensku, bæði rituðu og töluðu máli
English
Icelandic
