Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

About

Verkefnastjóri velferðarþjónustu – Þátttakandi í þróun og árangri

Vilt þú hafa áhrif á samfélagið og leiða verkefni sem skipta máli?

Velferðarsvið Reykjavíkurborgar óskar eftir öflugum og framsýnum verkefnastjóra sem býr yfir sveigjanleika og aðlögunarhæfni til að leiða fjölbreytt þróunarverkefni með skýra sýn á árangur og umbætur í velferðarþjónustu borgarinnar.

Um fullt starf er að ræða og heyrir starfið undir ráðgjafarþjónustu á skrifstofu velferðarsviðs. Skrifstofa velferðarsviðs er Regnbogavottaður vinnustaður. Í samræmi við mannréttindastefnu Reykjavíkurborgar og velferðarstefnu er fólk af öllum kynjum, fatlað fólk og fólk með fjölbreyttan menningarlegan bakgrunn hvatt til að sækja um starfið.

Helstu verkefni og ábyrgð

Leiða þróun og innleiðingu verkefna á sviði félags- og velferðarþjónustu – verkefnin eru fjölbreytt og breytileg eftir þörfum samfélagsins hverju sinni.
Móta og fylgja eftir árangursmælingum, umbótaverkefnum og nýjungum í þjónustu.
Taka virkan þátt í teymisvinnu þvert á svið og stofnanir með áherslu á samþættingu og samráð.
Tryggja að rödd notenda og hagsmunaaðila heyrist í allri stefnumótun og framkvæmd verkefna.

Menntunar- og hæfniskröfur

Starfsréttindi sem félagsráðgjafi, framhaldsmenntun sem nýtist í starfi kostur
Yfirgripsmikil þekking og reynsla á málaflokkum velferðarþjónustu, svo sem félagslegri ráðgjöf, virkni, þjónustu við innflytjendur og flóttafólk, fátækt o.fl.
Þekking og reynsla af verklagi og þjónustukerfum miðstöðva Reykjavíkurborgar er kostur.
Reynsla af verkefnastjórnun og þróunarvinnu með áherslu á umbætur og árangursmat.
Framúrskarandi samskiptahæfni og hæfileiki til að leiða samstarf ólíkra hópa og hagsmunaaðila.
Sjálfstæð og lausnamiðuð vinnubrögð, frumkvæði og skipulagshæfni.
Íslenskukunnátta C1 og enskukunnátta B2 samkvæmt samevrópskum tungumálaramma
Hreint sakavottorð í samræmi við lög, sem og reglur Reykjavíkurborgar.

Við bjóðum

Áhrifaríkt og fjölbreytt starf þar sem þú hefur tækifæri til að móta og þróa þjónustu sem skiptir máli.
Faglegt og styðjandi starfsumhverfi þar sem teymisvinna og þverfaglegt samstarf er í fyrirrúmi.
Sveigjanleika í vinnuumhverfi og stuðning við jafnvægi á milli vinnu og einkalífs.
Möguleika á símenntun og starfsþróun.

Laun eru skv. kjarasamningi Reykjavíkurborgar og viðkomandi stéttarfélags.

Nánari upplýsingar um starfið veitir Sigrún Skaftadóttir í netfangi [email protected]

Advertisement published19. June 2025

Application deadline1. July 2025

Language skills