Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

About

Fjármála- og stjórnsýslusvið - Innkaupastjóri Reykjanesbæjar

Reykjanesbær óskar eftir að ráða metnaðarfullan og kraftmikinn innkaupastjóra til að starfa í öflugu teymi starfsfólks á fjármála- og stjórnsýslusviði bæjarins.

Innkaupastjóri ber ábyrgð á skipulagi, stefnumótun og framkvæmd innkaupa hjá Reykjanesbæ með það markmið að tryggja hagkvæmni í rekstri, fylgni við lög um opinber innkaup, innkaupareglur og fagleg vinnubrögð við samningsgerð. Innkaupastjóri vinnur þvert á deildir sveitarfélagsins og er ráðgefandi og tryggir að kaup á vörum og þjónustu séu ávallt eins hagkvæm og kostur er hverju sinni. Starfið krefst siðferðislegs þreks og nákvæmni í vinnubrögðum.

Gildi Reykjanesbæjar eru virðing, eldmóður og framsækni og er mikilvægt að viðkomandi endurspegli þau gildi í sínum störfum.

Helstu verkefni og ábyrgð

Móta og fylgja eftir innkaupastefnu Reykjanesbæjar með áherslu á hagkvæmni, sjálfbærni og gagnsæi
Framkvæmd verðkannanna og innkaupa á vöru og þjónustu
Umsjón með gerð útboðsgagna, auglýsingum og mati á tilboðum í samræmi við lög um opinber innkaup (nr. 120/2016) og verkstýring á útboðsferli
Gerð samninga við birgja og virkt eftirlit með því að samningsbundnir aðilar uppfylli skyldur sínar
Greining á innkaupagögnum til að finna tækifæri til hagræðingar
Stuðningur og leiðbeiningar til forstöðumanna og deildarstjóra vegna minni innkaupa og innkaupaferla
Innleiðing tæknilausna í innkaupaferlinu og þróun og umsjón með rafrænum innkaupakerfum og sjálfvirkni í pöntunarferlum
Samskipti við markaðinn, birgja og aðra opinbera aðila

Menntunar- og hæfniskröfur

Háskólamenntun á sviði viðskipta-, hag- og/eða lögfræði eða önnur menntun sem nýtist í starfi eru skilyrði
Víðtæk reynsla af innkaupamálum æskileg
Góð þekking á lögum um opinber innkaup, stjórnsýslulögum og samningalögum
Reynsla af opinberri stjórnsýslu, verkefnastjórnun og samningagerð á fyrirtækjamarkaði æskileg
Góð kunnátta í notkun töflureiknis og læsi á reiknilíkönum í útboðum kostur
Talnagleggni og góð íslensku- og enskukunnátta bæði í máli og riti
Frumkvæði, sjálfstæði og nákvæmni í vinnubrögðum
Hafa mjög góða samskipta- og samstarfshæfni

Hlunnindi:

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Æskilegt er að viðkomandi geti hafið störf sem fyrst. Laun og starfskjör eru samkvæmt kjarasamningi Sambands íslenskra sveitarfélaga og viðkomandi stéttarfélags. Sótt er um á vef Reykjanesbæjar, www.reykjanesbaer.is, undir Laus störf. Umsókn um starfið skal fylgja ferilskrá og kynningarbréf þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Regína Fanný Guðmundsdóttir sviðsstjóri/fjármálastjóri, netfang: [email protected]

Advertisement published12. January 2026

Application deadline26. January 2026

Language skills