Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

About

Deildarstjóri lögfræðideildar

Umhverfis- og skipulagssvið Reykjavíkurborgar leitar að öflugum leiðtoga til að stýra lögfræðideild sviðsins. Deildin veitir lögfræðiþjónustu innan sviðsins, til viðskiptavina og til annarra sviða borgarinnar um málefni sviðsins. Deildin fer einnig með fyrirsvar gagnvart úrskurðarnefndum og vinnur umsagnir til borgarlögmanns vegna dómsmála, bótamála og mála umboðsmanns Alþingis.

Við leitum að einstaklingi með ríka forystu- og samskiptahæfileika, góða lögfræðiþekkingu og reynslu, ástríðu fyrir umbótum, vilja til að leiða breytingar og frumkvæði til að þróa nýjar lausnir og tryggja gæði í starfsemi deildarinnar. Um er að ræða fjölbreytt og krefjandi starf í faglegu starfsumhverfi þar sem áhersla er á þverfaglega teymisvinnu, góða þjónustu og virðingu fyrir umhverfinu. Næsti yfirmaður er skrifstofustjóri.

Helstu verkefni og ábyrgð

Daglegt fyrirsvar, ráðgjöf og fagleg stjórnun deildar.
Leiðir áætlanagerð, skipulagningu og markmiðasetningu deildarinnar og tryggir að unnið sé í samræmi við stefnu, áherslur og markmið umhverfis- og skipulagssviðs.
Teymisvinna og þátttaka í starfs- og stýrihópum.
Almenn upplýsingagjöf, samráð og bein samskipti við aðrar deildir og skrifstofur á sviðinu og önnur svið og fyrirtæki borgarinnar.
Ábyrgð á undirbúningi og framkvæmd verkferla í starfsemi deildarinnar.
Samskipti við viðskiptavini sviðsins og samstarfsaðila innan sem utan borgar.

Menntunar- og hæfniskröfur

Háskólapróf, kandídatspróf eða meistarapróf í lögfræði frá íslenskum Háskóla.
Góð þekking á stjórnsýslurétti og reynsla af störfum innan stjórnsýslunnar
Þekking og/eða reynsla á þeim réttarsviðum sem unnið er með á umhverfis- og skipulagssviði er kostur
Framhaldsmenntun eða reynsla sem nýtist í starfi s.s. á sviði stjórnunar er kostur.
Mjög góðir hæfileikar til samskipta og samvinnu.
Reynsla af mannaforráðum er kostur sem og góð færni í að skapa öfluga liðsheild.
Leiðtogahæfileikar, frumkvæði og faglegur metnaður.
Greiningar- og skipulagshæfni, metnaður og öguð vinnubrögð.
Góð íslenskukunnátta, C2 skv. samevrópskum tungumálaramma og enskukunnátta B2.

Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós USK eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.

Umhverfis- og skipulagssvið hefur innleitt 36 stunda vinnuviku og starfar eftir áherslum Reykjavíkurborgar um heilsueflingu á vinnustöðum. Á skrifstofum sviðsins í Borgartúni er verkefnamiðað vinnuumhverfi með nútímalegri vinnuaðstöðu. Vinnustaðurinn leggur áherslu á gagnkvæman sveigjanleika og að stuðla að jafnvægi milli vinnu og einkalífs.

Um er að ræða 100% starf. Launakjör eru samkvæmt kjarasamningi Reykjavíkurborgar og hlutaðeigandi stéttarfélags.

Umsóknarfrestur er til og með 14. september 2025.

Umsókn skal fylgja ítarleg ferilskrá og kynningarbréf þar sem umsækjandi gerir grein fyrir hæfni sinni í umrætt starf.

Nánari upplýsingar veita Glóey Helgudóttir Finnsdóttir, skrifstofustjóri; [email protected] og Þorvaldur Guðjónsson deildarstjóri ráðninga og starfsumhverfis; [email protected]

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Advertisement published5. September 2025

Application deadline14. September 2025

Language skills