Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

About

Lögfræðingur á mannauðssviði Háskóla Íslands

Laust er til umsóknar fullt starf lögfræðings á mannauðssviði Háskóla Íslands. Meginhlutverk mannauðssviðs er að stuðla að faglegum vinnubrögðum í mannauðsmálum við Háskóla Íslands.

Hlutverk lögfræðings á mannauðssviði er að tryggja að lögum, reglum og faglegum viðmiðum sé framfylgt í meðferð mannauðsmála. Lögfræðingur á mannauðssviði sinnir jafnframt samskiptum við stéttarfélög og ytri úrskurðaraðila og starfar með nefndum, ráðum og umbótahópum innan skólans.

Helstu verkefni og ábyrgð

Lögfræðileg ráðgjöf og stuðningur við stjórnendur og mannauðsfólk skólans
Túlkun og eftirfylgni á lögfræðilegum álitamálum sem tengjast mannauðsmálum
Vinna með samráðsnefnd í tengslum við kjara- og jafnlaunamál
Vinna með nefndum, teymum og ýmsum samstarfsaðilum í tengslum við mannauðsmál
Aðkoma að gerð og eftirfylgni samræmdra verklagsreglna á sviði mannauðsmála
Fræðsla til stjórnenda og starfsfólks sem varðar lög og reglur einkum á sviði stjórnsýslu- og vinnuréttar

Menntunar- og hæfniskröfur

Embættis- eða meistarapróf í lögfræði
Þekking og/eða reynsla á sviði vinnuréttar er æskileg
Þekking og/eða reynsla á sviði opinberrar stjórnsýslu er æskileg
Þekking og/eða reynsla á sviði mannauðsstjórnunar er kostur
Frumkvæði, sveigjanleiki og lausnamiðuð hugsun
Góð íslensku- og enskukunnátta ásamt hæfni til að miðla upplýsingum á skýran og faglegan hátt, bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir hæfnikröfur starfsins sem settar eru fram í auglýsingunni og hvað hann telur sig geta lagt af mörkum til þess
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf við Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofun verið undirstaða atvinnulífs og framfara í íslensku samfélagi. Skólinn er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Umsóknarfrestur er til og með 12.09.2025.

Nánari upplýsingar um starfið veitir Ragnhildur Ísaksdóttir, sviðsstjóri mannauðssviðs - [email protected] -

Advertisement published2. September 2025

Application deadline12. September 2025

Language skills