Á Flúðum vantar leikskólakennara til starfa
Viltu vera hluti af skóla sem leggur áherslu á umhverfi, útinám og umhyggju?
Leikskólinn Undraland á Flúðum leitar að leikskólakennurum sem vilja taka þátt í þróunarstarfi þar sem snemmtæk íhlutun, mál og læsi eru í brennidepli.
Í leikskólanum okkar er lögð mikil áhersla á virðingu fyrir börnum og að koma til móts við ólíkar þarfir þeirra. Hver einstaklingur skiptir máli, og við vinnum með jákvæða nálgun þar sem umhyggja, stuðningur, hlýja og styrkleikar hvers barns eru í forgrunni.
Í leikskólanum eru rúmlega 50 börn og fer skólinn ört stækkandi. Á næsta skólaári er áætlað að taka í notkun sér ungbarnadeild. Á sama tíma verður einnig farið í innleiðingu á agastefnunni „jákvæðum aga“.
Við leitum að aðilum með leyfisbréf kennara með áherslu á leikskólastarf eða sambærilega menntun.
Góð íslenskukunnátta er skilyrði sem og reynsla af starfi með börnum.
Jákvæðni og góð hæfni í mannlegum samskiptum er skilyrði.
Mögulegt er að aðstoða með húsnæði.
Icelandic
English
