Iðan fræðslusetur
Iðan fræðslusetur
Iðan fræðslusetur

Umbrot bóka frá A-Ö

Á námskeiðinu verður farið yfir allt ferlið við umbrot bóka í Adobe InDesign, allt frá móttöku efnis og skipulagningu verkefnis til prófarkalesturs og undirbúnings fyrir prentun.

Fyrir hvern

Námskeiðið er ætlað grafískum miðlurum, hönnuðum og fagfólki sem vill efla færni sína í umbroti. Þátttakendur þurfa að hafa grunnþekkingu á Adobe InDesign.

Markmið

Að þátttakendur öðlist þekkingu og færni til að skipuleggja og vinna að umbroti bóka frá upphafi til enda, nýta góða möguleika InDesign og nýjungar í forritinu og tryggja fagleg vinnubrögð og skilvirk samskipti við alla sem koma að útgáfunni.

Á námskeiðinu verður fjallað um

  • Undirbúning og verkstjórn: Móttöku handrita og myndefnis, skipulag verkefna og samskipti við höfunda, hönnuði, ljósmyndara og prófarkalesara.
  • InDesign-stillingar: Gagnlegar stillingar og möguleika sem margir þekkja ekki. Nýjungar sem gott er að nýta.
  • Stílsnið: Paragraph, Character, Object, Nested og GREP Styles.
  • Umbrotsgrindur: Útreikning og uppbyggingu grinda fyrir bókumbrot.
  • Efnisyfirlit: Sjálfvirka gerð og uppfærslu efnisyfirlits.
  • Myndvinnslu: Stillingar og undirbúning mynda fyrir umbrot og prentun.
  • Prófarkalestur: Nútímalegar aðferðir við yfirferð og leiðréttingar.
  • Prentundirbúning: Frágang prentskráa og mismunandi kröfur prentsmiðja hérlendis og erlendis.
  • Orðskiptingar: Hvað er best að nota til að spara tíma?

Að loknu námskeiði á nemandi að

  • Geta skipulagt og stýrt vinnuferlinu.
  • Nýta ítarlegar stillingar og stílsnið í InDesign til að auka skilvirkni og gæði.
  • Geta reiknað út umbrotsgrindur og útbúið sjálfvirkt efnisyfirlit.
  • Þekkja skilvirkar aðferðir við prófarkalestur og samskipti við samstarfsaðila. Hvað á að gera og hvað á að forðast.
  • Geta undirbúið fullbúna bók til prentunar hérlendis og erlendis.
Hefst
23. nóv. 2026
Tegund
Staðnám og fjarnám
Deila
Senda í Messenger
Deila með öðrum
Afrita hlekk
Flokkar