Akraneskaupstaður

Akraneskaupstaður er einn af stærstu vinnuveitendum á Akranesi en hjá bænum starfa tæplega 800 manns í 20 stofnunum. Akraneskaupstaður rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem leggur fyrir sig jákvæðni, metnað og viðsýni í þjónustu og uppbyggingu sveitarfélagsins. Akranes er heillandi bæjarfélag með rúmlega 8.000 íbúa, stærsti íbúakjarni Vesturlands. Akranes er einstaklega fjölskylduvænt bæjarfélag þar sem gott er að búa og ala upp börn. Akranes er bæði Heilsueflandi og Barnvænt samfélag og framfylgir stefnu um slíkt. Á Akranesi búa hamingjusömustu íbúar landsins enda menningin, umhverfið og landslagið einstakt. Það sem einkennir Akranes er flatlendi þess og er því mjög þægilegt að ganga og hjóla um Akranes.

Við temjum okkur jákvætt viðhorf og tökumst á við dagleg störf á uppbyggilegan hátt með bros á vör. Við vekjum athygli á því sem vel er gert, erum glaðleg í viðmóti og leggjum mikla áherslu á þjónustulund.

Við leitum stöðugt framfara og sýnum metnað og dugnað í öllum okkar verkefnum. Við höfum fagmennsku í fyrirrúmi, temjum okkur skapandi viðhorf og hvetjum til samvinnu.

Við skoðum málin í víðu samhengi, horfum fram á við og sýnum kjark og þor til að fara nýjar leiðir. Við köllum eftir samræðum um ólík málefni, viðhöfum fordómalausa nálgun og berum virðingu fyrir mismunandi skoðunum.