Vörustjóri

Hefur þú brennandi áhuga á umbótum, nýsköpun og framþróun?
Þá gæti þetta verið starfið fyrir þig...

Þjónustu- og nýsköpunarsvið leitar að metnaðarfullum vörustjóra í deild vörustýringar hjá stafrænni Reykjavík. Markmið starfsins er að styðja við nýsköpun í upplýsingatæknirekstri, þróun á hugbúnaðarlausnum eða búnaði og fleira sem hægt er að líta á sem fjárfestingu í nýjum kerfum, tækni, nýrri virkni eða framþróun tæknilegra innviða Reykjavíkurborgar. Vörustjóri passar upp á heilsu upplýsingatæknilausna, sér til þess að þær séu fullnýttar hverju sinni, ber ábyrgð á framþróun þeirra og sér um samningsstjórnun þegar það á við. Vörustjórar í deild vörustýringar fara meðal annars með umsjón stærstu upplýsingakerfa Reykjavíkurborgar. Má þar nefna mannauðs- og launalausnir, skjalakerfi Reykjavíkurborgar, Atlassian og M365. Vörustjóri getur mögulega stýrt nokkrum vörum samtímis en fer þó eftir umfangi.

Helstu verkefni og ábyrgð

Sem vörustjóri munt þú ...

Greina ólíkar þarfir, skilgreina þær og miðla þeim áfram til viðeigandi aðila
Móta, forgangsraða og fylgja eftir verkefnalista vöru
Afla og veita upplýsingar til hagaðila og annarra samstarfsaðila
Fullvinna og innleiða stafrænar lausnir
Hafa umsjón með og fylgja eftir umbóta- og breytingarverkefnum
Hafa umsjón með þróun stafrænna lausna
Setja fram og fullvinna efni og gögn bæði á tölulegu- og á textaformi
Sjá um fjárhagsáætlanagerð og samþykkja reikninga
Sjá um samningsstjórnun
Taka þátt í að þróa vörustjórnunarferla
Taka þátt í samstarfshópum
Taka þátt í setningu og eftirfylgni árangursmarkmiða
Vera stuðningur við skrifstofustjóra, deildarstjóra og teymisstjóra
Verkefnastýra og stjórna verkefnahópum

Menntunar- og hæfniskröfur

Háskólamenntun sem nýtist í starfi, framhaldsmenntun kostur
Reynsla og/eða þekking af stafrænni vörustýringu
Þekking á verkferlum, verkefnastjórnun o.fl., því tengt
Reynsla af áætlanagerð
Reynsla af greiningu vandamála
Reynsla af stjórnun verkefna
Góð tök á töflureiknum og verkefnisstjórnunarhugbúnaði
Þekking og/eða reynsla af mannauðslausnum, skjalakerfum, Atlassian eða M365 er kostur
Góð tök á ritvinnslu og framsetningu efnis á tölvutæku sniði
Áhugi á nýsköpun og stafrænum lausnum
Farsæl reynsla af teymisvinnu
Framúrskarandi hæfni í mannlegum samskiptum
Rík aðlögunarhæfni og lausnamiðuð hugsun
Útsjónarsemi og skipulagskunnátta
Drifkraftur, frumkvæði og sjálfstæði í starfi
Góð íslensku- og enskukunnátta í rituðu og töluðu máli
Jákvætt viðhorf til jafnréttis og fjölbreytileika

Fríðindi í starfi

Við bjóðum upp á:

Fyrsta flokks vinnustað
Niðurgreitt mötuneyti sem býður upp á fjölbreyttan og hollan mat
Verkefni sem stuðla að því að einfalda og bæta líf starfsfólks og borgarbúa
Krefjandi og skemmtileg verkefni
Öfluga nýliðamóttöku
Sálrænt öryggi og skapandi menningu
Góða liðsheild og góð samskipti
Samkennd og virðing
Þekkingarumhverfi
Fjölbreytta þjálfun og möguleika á þróun í starfi
Áherslu á jafnrétti og fjölbreytileika
Heilsueflandi vinnustað
Gott vinnuumhverfi
30 daga í sumarleyfi
36 stunda vinnuviku
Fyrsta flokks vinnuaðstöðu
Heilsu- og samgöngustyrk
Sundkort
Menningakort

Um vinnustaðinn

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi og skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Þjónustu- og nýsköpunarsvið var í öðru sæti hjá Great Place To Work fyrir fyrirtæki og/eða stofnanir sem huga að vellíðan starfsfólks og í öðru sæti fyrir fyrirtæki og/eða stofnanir með 100 eða fleira starfsfólk fyrir frábær vinnustaður fyrir konur árið 2025. Einnig erum við regnbogavottaður vinnustaður. Markmið með regnbogavottun Reykjavíkurborgar er að gera starfsemi Reykjavíkurborgar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks.

Æskilegt er að viðkomandi geti hafið störf sem fyrst. Umsóknarfrestur er til 29. janúar nk. Nánari upplýsingar um starfið veitir Sigrún Lára Sverrisdóttir deildarstjóri vörustýringar í gegnum tölvupóstfangið [email protected]

Launakjör eru samkvæmt kjarasamningi Reykjavíkurborgar og viðkomandi stéttarfélags.

Eftirfarandi gögn skulu fylgja umsókn:

Starfsferilsskrá
Kynningarbréf þar sem umsækjandi gerir grein fyrir áhuga og hæfni í starfið

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi. Verkefnin eru afar fjölbreytt og snerta daglegt líf borgarbúa með margvíslegum hætti.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing birt15. janúar 2026

Umsóknarfrestur29. janúar 2026

Tungumálahæfni