Lögfræðingur

Hefur þú brennandi áhuga á lögfræði í skapandi og framsæknu umhverfi?

Þá gæti þetta verið starfið fyrir þig.

Þjónustu- og nýsköpunarsvið óskar eftir að ráða metnaðarfullan lögfræðing til starfa í deild stjórnsýslu- og miðlunar með haldbæra þekkingu á stjórnsýslu og stjórnsýslurétti. Starfið felur m.a í sér veitingu lögfræðilegrar ráðgjafar og þátttöku í verkefnum fyrir sviðið, yfirferð útboðsgagna og samninga, samningastjórnun, sem og að tryggja persónuvernd, upplýsingaöryggi og rétta meðferð persónuupplýsinga.

Helstu verkefni og ábyrgð

Sem lögfræðingur í deild stjórnsýslu og miðlunar munt þú ...

Stuðla að því að verkefni sviðsins séu unnin í samræmi við gildandi stjórnsýslureglur, persónuverndarreglur og vandaða stjórnsýsluhætti
Veita ráðgjöf um stjórnsýslulega framkvæmd, málsmeðferð og ákvörðunartöku
Fylgja eftir lögum um persónuvernd
Fylgja eftir stjórnsýslurétti og vönduðum og góðum stjórnsýsluháttum
Veita ráðgjöf um val á breytingu á kerfum, ferlum og veflausnum
Veita ráðgjöf við gerð vinnslusamninga, vinnsluskráa, mats á áhrifum á persónuvernd og almenna meðferð persónuupplýsinga
Veita ráðgjöf vegna innkaupa- og útboðsmála
Vinna og rýna útboðs- og verðfyrirspurnargögn, matslíkön og önnur gögn sem tengjast innkaupum sviðsins
Veita ráðgjöf og vinna að samningum vegna verktöku, vörukaupa og þjónustukaupa.
Stuðla að þróun, umbótum og samræmingu innkaupaferla og aðra ferla sviðsins
Taka þátt í að svara stjórnsýsluerindum
Veita ráðgjöf vegna stafrænna verkefna
Gera umsagnir um stefnur, lagafrumvörp og önnur sambærileg mál í samráðsgátt stjórnvalda
Veita aðra lögfræðilega ráðgjöf og vinna að öðrum verkefnum sviðsins

Menntunar- og hæfniskröfur

Menntun sem krafist er:

Meistaragráða í lögfræði eða embættispróf í lögfræði

Hæfni og reynsla sem krafist er:

Þekking og reynsla á sviði stjórnsýsluréttar æskileg
Þekking og reynsla á sviði persónuverndar æskileg
Innsýn inn í stafrænar breytingar og þær lagalegu áskoranir sem fylgja þeim
Þekking og reynsla á sviði opinberra innkaupa æskileg
Mikill skilningur á upplýsingatækni og hagnýtingu hennar
Rík þjónustulund og lausnamiðuð hugsun
Framúrskarandi hæfni í mannlegum samskiptum
Jákvætt viðhorf og góð geta til að vinna vel með öðrum í teymisumhverfi
Áhugi á nýsköpun og stafrænum lausnum
Frumkvæði, sjálfstæði og skipulagshæfni
Rík aðlögunarhæfni, skapandi og lausnamiðuð hugsun
Góð tök á ritvinnslu og framsetningu efnis á tölvutæku formi
Góð hæfni til að tjá sig í ræðu og riti á íslensku og ensku
Jákvætt viðhorf til jafnréttis og fjölbreytileika

Fríðindi í starfi

Við bjóðum upp á

Fyrsta flokks vinnustað
Niðurgreitt mötuneyti sem býður upp á fjölbreyttan og hollan mat
Verkefni sem stuðla að því að einfalda og bæta líf starfsfólks og borgarbúa
Krefjandi og skemmtileg verkefni
Öfluga nýliðamóttöku
Sálrænt öryggi og skapandi menningu
Góða liðsheild og góð samskipti
Samkennd og virðing
Þekkingarumhverfi
Fjölbreytta þjálfun og möguleika á þróun í starfi
Áherslu á jafnrétti og fjölbreytileika
Heilsueflandi vinnustað
Gott vinnuumhverfi
30 daga í sumarleyfi
36 stunda vinnuviku
Fyrsta flokks vinnuaðstöðu
Heilsu- og samgöngustyrk
Sundkort
Menningakort

Um vinnustaðinn

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi og skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Þjónustu- og nýsköpunarsvið var í öðru sæti hjá Great Place To Work fyrir fyrirtæki og/eða stofnanir sem huga að vellíðan starfsfólks og í öðru sæti fyrir fyrirtæki og/eða stofnanir með 100 eða fleira starfsfólk fyrir frábær vinnustaður fyrir konur árið 2025. Einnig erum við regnbogavottaður vinnustaður. Markmið með regnbogavottun Reykjavíkurborgar er að gera starfsemi Reykjavíkurborgar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks.

Æskilegt er að viðkomandi geti hafið störf sem fyrst. Umsóknarfrestur er til 3. febrúar nk. Nánari upplýsingar um starfið veitir Eva Pandora Baldursdóttir deildarstjóri stjórnsýslu- og miðlunar í gegnum tölvupóstfangið [email protected]

Launakjör eru samkvæmt kjarasamningi Reykjavíkurborgar og viðkomandi stéttarfélags.

Eftirfarandi gögn skulu fylgja umsókn:

Starfsferilsskrá
Kynningarbréf þar sem umsækjandi gerir grein fyrir áhuga og hæfni í starfið
Menntuargögn

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi. Verkefnin eru afar fjölbreytt og snerta daglegt líf borgarbúa með margvíslegum hætti.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing birt21. janúar 2026

Umsóknarfrestur3. febrúar 2026

Tungumálahæfni