Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Viltu virkja þína starfsorku í þágu fasteigna ON?

Við hjá Orku náttúrunnar leitum að drífandi og lausnamiðuðum liðsstyrk í hlutverk sérfræðings fasteigna, húskerfa og svæða hjá virkjunum ON.

Deildinni tilheyra allar fasteignir á virkjanasvæði ON ásamt húskerfum í eigu fyrirtækisins, s.s. loftræstikerfi, aðgangs- og innbrotakerfi, myndavélakerfi og brunakerfi.

Helstu verkefni og ábyrgð

Í hlutverkinu felst forgangsröðun, undirbúningur, eftirlit og yfirsýn yfir fjölbreytt verkefni í nánu samstarfi við deildarstjóra og samstarfsfólk.

Þú munt taka virkan þátt í mótun ferla og umbótavinnu í tengslum við verkefnaflæði með það að markmiði að besta viðhaldsstjórnunarkerfi virkjana.

Sem sérfræðingur fasteigna og húskerfa berð þú ábyrgð á útgáfu verkbeiðna úr viðhaldsstjórnunarkerfi ON í samráði við deildarstjóra og aðra sérfræðinga, t.d. er varða gerð áhættumats, verklýsinga, áætlanagerða, öflun aðfanga, forgangsröðun verka og upplýsingagjöf til hagsmunaaðila.

Vinnutíminn er frá klukkan 8:20-16:15 á mánudögum til fimmtudags og til klukkan 15:10 á föstudögum.

Menntunar- og hæfniskröfur

Sterk og rík öryggisvitund er skilyrði
Farsæl reynsla af verklegri vinnu
Samskiptafærni ásamt skipulögðum-, sjálfstæðum- og öguðum vinnubrögð
Góð tölvufærni og almenn tækniþekking
Reynsla af loftræstikerfum er kostur
Þekking á DMM viðhaldsstjórnunarkerfinu er kostur
Iðnmenntun sem nýtist í starfi, s.s. í rafvirkjun

Boðið er upp á akstur frá Bæjarhálsi og Selfossi/Hveragerði/Þorlákshöfn. Akstur fer fram á vinnutíma.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 26. febrúar 2025.

Eingöngu er tekið á móti umsóknum á ráðningarvef ON, starf.on.is.

Nánari upplýsingar veitir Guðjón Óskar Kristjánsson, deildarstjóri fasteigna, húskerfa og svæða hjá virkjunum ON, [email protected].

Af hverju Orka náttúrunnar?

https://www.on.is/af-hverju-on/

Orka náttúrunnar framleiðir og selur rafmagn til allra landsmanna auk þess að framleiða heitt vatn fyrir höfuðborgarsvæðið. Við rekum virkjanir á Hellisheiði, Nesjavöllum og við Andakílsá.

Við erum leiðandi í umhverfisvænum orkuskiptum á Íslandi, nýtingu auðlindastrauma og höfum sett okkur metnaðarfull loftslagsmarkmið. Við nýtum auðlindir Íslands af ábyrgð og nærgætni með það að leiðarljósi að bæta lífsgæði núna og í framtíðinni.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum. Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Auglýsing birt19. febrúar 2025

Umsóknarfrestur26. febrúar 2025

Tungumálahæfni