Laus störf Hæfnileit Vinnustaðir Námskeið

Náttúrufræðistofnun

Á Náttúrufræðistofnun starfa tæplega 80 manns við rannsóknir, kortlagningu og vöktun á náttúru landsins. Starfsandi á stofnuninni er góður og er leitast við að bjóða fjölskylduvænan vinnustað. Við ráðningar í störf hjá Náttúrufræðistofnun er tekið mið af jafnréttisstefnu stofnunarinnar. Starfsstöðvar Náttúrufræðistofnunar eru fimm, í Garðabæ, á Akranesi, við Mývatn, á Breiðdalsvík og Akureyri.

Vinnustaðurinn

Húsráður

Náttúrufræðistofnun auglýsir laust til umsóknar 50% starf húsráðs á starfsstöð stofnunarinnar í Garðabæ. Starfið felst í almennri umsjón með húsnæði, bifreiðum og húsbúnaði ásamt þjónustu við starfsfólk þeirra stofnana sem hafa starfsstöð í húsnæðinu. Auk þess er viðkomandi tengiliður vegna aðkeyptrar þjónustu s.s. ræstingar, sorphirðu og fleira.

Leitað er að þjónustulunduðum og handlögnum einstaklingi sem getur unnið sjálfstætt.

Starfið heyrir undir sviðsstjóra rekstrar og mannauðs.

Helstu verkefni og ábyrgð

Dagleg umsjón og eftirlit með húsnæði, lóð, bifreiðum og húsbúnaði
Umsjón með ræstingum, sorphirðu, umhirðu á lóð, snjómokstri og hálkuvörnum og er tengiliður við verktaka
Er tengiliður við fyrirtæki vegna þjónustusamninga
Umsjón með smærri vöruinnkaupum og rekstrarþáttum
Ýmis aðstoð við starfsfólk, sendiferðir og móttaka sendinga
Er öryggisvörður á starfsstöð stofnunarinnar í Garðabæ
Ýmis önnur tilfallandi störf

Menntunar- og hæfniskröfur

Almenn starfsreynsla og þekking sem nýtist í starfi.
Bílpróf skilyrði.
Samskiptafærni til að skiptast á almennum upplýsingum við starfsfélaga og viðskiptavini.
Geta til að vinna sjálfstætt eftir skipulagi vinnustaðar og tímaplani.
Iðnmenntun er kostur.
Góð íslenskukunnátta í ræðu og riti.
Hreint sakavottorð

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Eftirfarandi gögn skulu fylgja umsókn:

Ferilskrá
Staðfest afrit prófskírteina ef við á
Upplýsingar um umsagnaraðila
Stutt kynningarbréf þar sem áhuga fyrir starfinu er lýst og tiltekið hvað umsækjandi getur lagt af mörkum til auglýstra starfsþátta

Öllum umsóknum verður svarað og umsækjendum tilkynnt um niðurstöðu þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknarfrests.

Öll kyn eru hvött til að sækja um störf hjá Náttúrufræðistofnun í samræmi við jafnréttisáætlun og jafnlaunastefnu stofnunar.

Æskilegt er að viðkomandi getið hafið störf sem fyrst.

Um Náttúrufræðistofnun

Auglýsing birt17. febrúar 2025

Umsóknarfrestur25. febrúar 2025

Tungumálahæfni