Vilt þú stýra þjónustusviði Veitna ?

Veitur leita að framsýnum stjórnanda til að stýra þjónustusviði fyrirtækisins og taka sæti í framkvæmdastjórn.

Vilt þú leiða þjónustu í einu stærsta þjónustufyrirtæki landsins og hafa bein áhrif á lífsgæði samfélagsins?

Þetta er einstakt tækifæri fyrir stjórnanda með brennandi áhuga á að gera samfélagið betra og að tryggja framúrskarandi þjónustuupplifun. Meirihluti íbúa landsins treystir okkur fyrir tryggu aðgengi að rafmagni, hita, hreinu vatni og fráveitu.

Við höfum sett okkur metnaðarfullt markmið að vera í hópi bestu og framsæknustu þjónustufyrirtækja landsins. Þú getur gegnt lykilhlutverki í þeirri vegferð með því að leiða þjónustu Veitna með nýskapandi hugarfari og lausnum.

Við leitum að einstaklingi sem hefur:

• Leiðtogahæfni og getu til þess að byggja upp öfluga liðsheild
• Umtalsverða reynslu af stjórnun og rekstri
• Þekkingu og reynslu af því að nýta tækni og nýsköpun til að bæta þjónustuupplifun
• Menntun sem nýtist í starfi
  

Af hverju Veitur?

Við setjum viðskiptavininn í fyrsta sæti og leitum stöðugt leiða til að gera betur og bæta þjónustuupplifun. Með nýsköpun og samstarfi veitum við lífsgæði til framtíðar.
Árið 2024 hlutu Veitur brons í stærstu þjónustukeppni Evrópu (European Contact Center and Customer Service Awards) – og við erum rétt að byrja. Ef þú telur þetta vera spennandi tækifæri þá hvetjum við þig til að sækja um.

Nánari upplýsingar um vinnustaðinn og menningu okkar er að finna á heimasíðu okkar, www.veitur.is/vinnustadurinn.

Umsóknarfrestur er til og með 15. september 2025. Nánari upplýsingar veita Brynja Ragnarsdóttir, á netfanginu [email protected], og Helgi Héðinsson mannauðsleiðtogi Veitna, á netfanginu [email protected].