Viðskiptastjóri
Lagaviti er mjög öflug gervigreindarlausn sem beitir allra nýjustu gervigreindartækni á hverjum tíma, ekki bara cutting edge heldur hreinlega bleeding edge tækni. Þróun lausnarinnar felur í sér fjölmargar tæknilegar áskoranir sem hafa í mörgum tilvikum ekki verið leystar áður, auk þess sem lausnin hefur mjög jákvæð samfélagsleg áhrif.
Vegna áframhaldandi vaxtar leitum við nú að öflugum og metnaðarfullum viðskiptastjóra sem vill taka þátt í áframhaldandi uppbyggingu Lagavita.
Þú verður aðaltengiliður viðskiptavina okkar og berð ábyrgð á að byggja upp traust og langvarandi viðskiptasambönd. Þú vinnur með bæði núverandi og nýjum viðskiptavinum, leiðir sölu- og markaðsstarf félagsins og tryggir að viðskiptavinir fái framúrskarandi þjónustu og stuðning í gegnum allt samstarfið.
Jafnframt verður þú rödd viðskiptavinarins innan fyrirtækisins. Þú safnar endurgjöf, greinir nýjar þarfir og tækifæri og vinnur náið með þróunarteymi og stjórnendum að áframhaldandi þróun lausnarinnar.
Við leitum að einstaklingi sem hefur framúrskarandi samskiptahæfni, sterka viðskiptavitund og hefur gaman af því að vinna með fólki. Áhugi á tækni og gervigreind er mikilvægur, en ekki síður hæfileikinn til að skilja þarfir viðskiptavina og umbreyta þeim í raunveruleg tækifæri.
- Vera aðaltengiliður viðskiptavina Lagavita og bera ábyrgð á daglegum samskiptum
- Byggja upp og þróa sterk og langvarandi viðskiptasambönd
- Leiða sölu- og markaðsstarf félagsins í samstarfi við stjórnendur
- Kynna lausnir Lagavita fyrir nýjum viðskiptavinum og fylgja söluferlum eftir frá fyrstu kynningu til samnings
- Halda reglulega fundi, kynningar og vinnustofur með núverandi og nýjum viðskiptavinum
- Leiða innleiðingu nýrra viðskiptavina í samstarfi við þróunarteymið
- Greina nýjar þarfir og viðskiptatækifæri hjá viðskiptavinum og þróa samstarfið áfram
- Taka á móti ábendingum, athugasemdum og kvörtunum viðskiptavina og tryggja faglega og skilvirka eftirfylgni
- Safna endurgjöf frá viðskiptavinum og miðla henni til þróunarteymisins til að styðja við áframhaldandi þróun lausnarinnar
- Fylgjast með þróun markaðarins og greina ný tækifæri fyrir Lagavita
Við leitum að einstaklingi sem hefur sterka þjónustulund, frumkvæði og metnað til að byggja upp traust og árangursrík viðskiptasambönd.
Æskilegt er að umsækjandi hafi:
- Reynslu af viðskiptaþróun, ráðgjöf, þjónustu eða B2B sölu
- Framúrskarandi samskipta-, kynningar- og samningahæfni
- Getu til að byggja upp langtímasambönd og vinna markvisst að áframhaldandi samstarfi
- Góða skipulagshæfni og hæfni til að halda utan um fjölbreytt verkefni
- Frumkvæði, sjálfstæði og sterka lausnamiðaða hugsun
- Góða íslensku og ensku í ræðu og riti
- Áhuga á tækni, gervigreind og stafrænni þróun
- Reynslu af hugbúnaðarlausnum eða tæknifyrirtækjum
- Reynslu af markaðssetningu eða kynningarstarfi
- Reynslu af stjórnun viðskiptasambanda og söluferla
- Áhuga á að nýta gervigreind í daglegu starfi
- Fjölbreytt og áhrifamikið starf þar sem viðskiptaþróun, ráðgjöf, sala og þjónusta fara hönd í hönd
- Tækifæri til að taka virkan þátt í áframhaldandi uppbyggingu leiðandi gervigreindarlausnar sem hefur jákvæð samfélagsleg áhrif
- Náið samstarf við öflugt og metnaðarfullt teymi sérfræðinga á sviði hugbúnaðarþróunar, gagna og gervigreindar
- Tækifæri til að vinna með nýjustu (cutting edge og bleeding edge) gervigreindartækni
- Samkeppnishæf kjör og góða vinnuaðstöðu
- Sveigjanlegt og nútímalegt starfsumhverfi
Frekari upplýsingar um starfið veitir Jóhannes Eiríksson, framkvæmdastjóri ([email protected]).
Áhugasamir eru hvattir til að senda inn umsókn hið fyrsta, þar sem ráðið verður í starfið óháð umsóknarfresti.
Íslenska
Enska
