Skrifstofa Alþingis

Hlutverk skrifstofu Alþingis er að styðja við starfsemi Alþingis svo að þingið og þingmenn geti sinnt hlutverkum sínum samkvæmt stjórnarskrá og lögum. Meginverkefni skrifstofunnar eru að vera forseta til aðstoðar, framfylgja ákvörðunum hans og forsætisnefndar auk ákvarðana á fundi forseta með þingflokksformönnum. Enn fremur að veita alþingismönnum, nefndum og þingflokkum faglega aðstoð og þjónustu, að hafa á hendi almennan rekstur þingsins og stjórnsýslu og að varðveita og miðla upplýsingum um hlutverk og starfsemi Alþingis.

Vinnustaðurinn

Við leitum að starfsfólki í ræstingateymi hjá skrifstofu Alþingis

Skrifstofa Alþingis leitar að tveimur drífandi og jákvæðum liðsfélögum til starfa í ræstingateymi skrifstofunnar. Um er ræða fullt starf með vinnutíma frá kl. 7–15 alla virka daga auk tilfallandi yfirvinnu. Starfsfólk teymisins annast þrif í öllu húsnæði Alþingis. Um er að ræða fjölbreytt starf á lifandi og skemmtilegum vinnustað.

Helstu verkefni og ábyrgð

Þrif á skrifstofu- og þjónustuhúsnæði á starfssvæði Alþingi
Önnur verkefni í öryggis- og þjónustudeild

Menntunar- og hæfniskröfur

Reynsla af sambærilegu starfi er nauðsynleg
Reynsla af vinnu í teymi er kostur
Metnaður og ábyrgð í starfi
Vandvirkni og snyrtimennska
Góð samskiptafærni og sjálfstæði í vinnubrögðum
Góð íslensku- og/eða enskukunnátta

Laun samkvæmt gildandi kjarasamningi við Eflingu.

Umsækjendur eru beðnir um að sækja um starfið í ráðningarkerfi Orra. Umsókn skal fylgja ferilskrá og kynningarbréf þar sem umsækjandi rökstyður hæfni sína í starfið, Umsóknir gilda í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Tekið er mið af jafnréttisáætlun skrifstofu Alþingis við ráðningar. Starfið hentar öllum kynjum og áhugasöm eru hvött til að sækja um. Gildi skrifstofu Alþingis eru fagmennska, virðing og framsækni.

Nánari upplýsingar um störfin veitir Sigurlaug Skaftadóttir McClure, deildarstjóri öryggis- og þjónustudeildar, í síma 563-0500 og með tölvupósti [email protected]

Sækja um starf

Auglýsing birt21. ágúst 2025

Umsóknarfrestur1. september 2025

Tungumálahæfni